عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا حامل لي شهر ونص وكان معاي مويات وبعدين بدا ينزل دم بني ورحة مستشفى الولاده والاطفال وبعد محللت بول قالو بكل برود دكتور مختبر مو موجود وماراح يجي الا بعد عدة ساعات
وسوولي سونار وقالو لا الجنين ولا الكيس موجود ولاعطوني ابر او حبوب تثبيت وبعد ساعتين من عنا مستشفى المجزره عفوا الولاده رحت وتركتهم لانهم قعدو يسولفون ويضحكون وانا واقفه ودايخه وجيت ابطلع قالو مافيه روح لين تطلع نتيجه من المختبر ولا دخلوني غرف انام على ظهري وبعدين بدا ينزل مني دم وطلعت وتركتهم واخذ اربع وعشرين ساعه وانا انزف وبعدها نزلت قطعه كبيره شوي وعرفة اني سقط ومن بكره وانا اروح للمستوصف الي اراجع فيه وسوتلي سونار وقالت بكل برود وهي تاخذ المرايا وتحط روج الجنين اجهض ولاقالت الاسباب ولا قالت لي اي شي بس اخذت كرت المراجعه وشققته وقالت يله تفضلي (اطلعي برا) قلت وش الاسباب قالت فيه كتير مستنين برا
والى الان وانا ماعرف وش سبب الاجهاض
وعلى ماعتقد (طبعا بعد بحثي بالنت اسفه اقصد الدكتور النت ) اني مصابه بالاجهاض المنسي وهو
الإجهاض المنسي Missed Abortion
يموت الجنين داخل الرحم و يتوقف الحمل عن النمو.
الأعراض
• اختفاء أعراض الحمل مثل القيء و التغيرات التي تحدث بالثدي. (فعلا بس ثلاث ايام وانقطع)
• صغر حجم الرحم. (هذا لا اعلم)
• الموجات الصوتية تبين عدم وجود نبضات لقلب الجنين و عدم وجود كيس السائل الأمنيوسي. (هذا ماحصل معي في مستشفى الولاده)
ادعولي الله يعوضني
