::::::: جهد شخصي مميز يستحق المشـآهده ::::::: ҳҲҳ..♥العمر بحر والذكرى سفينة♥..ҳҲҳ

symohammed 27 مارس، 2010 أسرار البنات التعليقات على ::::::: جهد شخصي مميز يستحق المشـآهده ::::::: ҳҲҳ..♥العمر بحر والذكرى سفينة♥..ҳҲҳ مغلقة 0 زيارة

كل اللي أعرفه سبب كتابتي لهالموووضوووع .. اشششتقت حييييييييييل لصحباااتي ..
كلامي بيكوون أغلبه عن ثاني وثالث ثانوووي .. أولى كانت حلوة بس ماكان كل صديقاتي بفصلي أولى ..
إحنا تقريبا كنا نص الفصل متعااون و يد بيد بس بتكلم عن صديقاتي اللي قريباات مني ..

{ بششاشير .. ثرااثير .. رحابيب .. لهاليم .. مواجيط .. نجاويط .. ومحدثتكم هناديد }

بشاشير و نجاويط ورحابيب كانوا معاي من أولى طبعا أنا جنب بشاشير من أولى ثانوي فديتها صراااحة ما أتخيل إني أكون جنب أحد غيرها مدري احس تعودت<~ تنقل منها بعض بعض الواجباات خخخخخ .. رحابيب شي قمة في الهدوء والخوف نجاويط ششي ونااااسة من نفس نوعيتي ياحبها في الفغرات والحش هههههههههه بس انا أحش بصوت واطي هي الله يصلحها صوتها يوصل بعد البنت<~ أحس بتكفخ هع ..

ثراثير و لهاليم ومواجيط من ثاني صاروا معانا بنفس الفصل .. أول ماجيت المدرسة كانوا معلقين نسبنا سنة ثالث متوسط وكانت نسبتي نفس ثراثير و أنا ادور وين ثراااثير ذي اللي بتنافسني هههههههههه و لهاليم كانت دايم حبال بلوزتها في يدها ماسكتها كنت أحسب أصباعها مكسور بس قلت مو معقولة ياهناديد طووول هالفترة مكسوووورة <~ مهوووية .. أما مواجيط تقابلنا بإذاعة وأنا كنت أتكلم و هي ماتعرفني وأناديها أقول مواجيط مواجيط تعااالي <~ تموون هناديد هع ..

أيامنا كااااانت أسسسعد أيام وياااحبنا للحفلات و الأكششن أحس صرنا مشهووورين بالحفلات <~ فيه بنت شافتنا بالجامعة شايلين كرتون جاتوهـ قالت حتى بالجامعة حفلات جلسنا نضحك قلنا لا ذي دونات ..

وأيام ما تكون عندنا منااسبة فالله يسعد بشاشير تجيب قهوتها وثراثير ورق عنبهاا و لهاليم شوكلاتاتهاا رحابيب دايم تجينا بشيبساتهااا ونجاويط و مواجيط وجودهم يكفي ^_* مواجيط دفترهاا الفيزيا ماغثني إلاهو و مرة كبيت عليه قهوة عشان يتأدب ياويلي وش كبره داخل ع طاولتي خخخخخخ أدري تقولون وإنتي أنا هناديد أجيب الحلا فديتني <~ نموت لو ما أكلنا ههههههههههه .. ..

اممممم بكلمك عننا شوي .. كنا مو بالحيل نعطي المعلمات وجه يعني مو أي وحدة صرااحة نسولف معاها برودنا يقهرهم أتوقع بس كنا بسم الله علينا أششطر من الفصل الثااني .. رائدة فصلنا ثاني و ثالث ثانوي نفس المعلمة واسمها {سميرة} صراحة إنسسانة جدا راااائعة أنا عن نفسي مررررهـ أحبها دايم تمدحنا وتنصحنا ودها نكووون أحسسسن فصل و دايم تجيب لنا شوكولاتات <~ ماقلت لكم يحبووون الاكل ..

مدرستنا كانت مبنى مستأجر يعني عمارة كان فصلنا في الملحق يعني نصه شقة ونصه سطح ..
هالسطح ونااااااااسة كنا نلعب بالبخاخات والمووويا وطيرهـ مرهـ بغينا نطيح معلمة الدين ههههههههههه ومرة سوينا زواااج وكانت رحابيب زوجي وبششاير ومواجيط بعد بس مدري مين الرجال ومين الحرمة خخخخخخ وكان فيه باب طوارئ آآآآخر السطح هالبااااب يششهد كل إعتراافاااتنااا كل ما طلعنا السطح رحنا له حتى لو الشمس تصفقنا كنا نعششقه ..

فيه أشششيااء كثير كنا نحلم نحققها لكن القدر شاء شيئا آخر <~ يا حركااات هع ..
* كان نفسسنا نجيب الثومات (الطراطيع) وتحت رجول البنات والمدرسات ..
*كان نفسسنا بعد نفصل سلك التوصيلة حق معلمة بس كل ما نقرب منه نخاف <~ جبانات ..

بس فيه شي حققناه وثراثير تهزأت بسببه فديتهااا .. جبنا قناع ع شكل شبح حق بشاشير وأتوقع بشاشير كانت لابسته ونادينااا ثراثير من برا الفصل وقلنا لها تعاالي ولمن دخلت وشافت بشاشير صااااحت بأعلى صووتهااا وطبعا سمعتها الوكيلة و تهزأت <~ دايم صووتها فاضحنااا ..

طبعا أنا و ثراثير كان بيننا قصة حب و مازالت للحين كانت أستاذة الإنجلش تكتب التاريخ ع السبورة و تكتب نهايته AH و إحنا كنا مسستاانسين ويجوون البنات عنااد لنا و يمسحوونه والله حب بريئ ;)..

فيه موقف ما أتذكر إذا هو بثاني أو ثالث صراحة مانفرق بين هالمرحلتين لأننا ماتغيرت غير كتبناا كان فيه درس بالنحوو ولا زم نجيب جملة مدري وش الدرس كمان بس أتذكر جملتنا كانت .. جاء الذي إنه كشخة <~ جبنا هالجملة الصباح وجلسسسنااا نضحك ع خبااالنا وش جاء الذي إنه كشخة هههههههههه ..

طبعا بشاشير وثراثير كانوا أبدا مايتفقووون بششي دايم مناقر بس الحين بسم الله عليهم حلووووين ويحبوون بعض ..
أنا و نجاويط و مواجيط داااايم منااااااقر و خصااام وبعدين ولا كأن شي صااير ..
لهاليم و رحابيب كانوا شي هادئ .. لهاليم كانت تخطط من بعيد والبقية فريق التنفيذ .. رحابيب خواافة هلكتنا تخيلوا تخيلوا <~ تبغانا نخاف ولا حياة لمن تناادي ..

طبعا كان أهم شششي عندنا فصلنااا نكشششخه حتى دلعناه و ضربنا بوووويا رغم أركانه المتهالكة <~ قوية المتهالكة هع ..
آخر سسنة دلعناه و اشترينا أرفف و حركات من إيكيا والله مين قدهـ فصلنااا <~ وحششششني وربي ..
إذاعتنااا كانت شششي وناااسة كان بعد كل إذاعة شوكلاته و مو من أي مكان من شوكلاين من أستاذتنا {سميرة} ربي يحفظهااا ..

مواجيط هذي ياقلبي عليها داااايم تعباااانهـ كل شوي فيها شي المهم آخر ششي كان .. انكسرت رجلها .. واحنا ثالث ع آخر الأيام يعني لازم تداوم خلونا بالمعمل تحت قلبنا المعمل فوووووووق تحت إزعاج و رجه و كان جنبنا غرفة معلمات العلوم ولا همنا مرة سوينا حفلة طلعنا أناششيد زمااااااان مابقينا ششي ع قلبنا ما نشدناه لا وبأعلى صوووتنا وعابدهـ طالعة فوووف الطاولة من الأناشيد {الله ربي الخلق .. سارعي .. طائر النورس .. نعم نعم أنا الجبل .. ……. الخ } وكان فيه هيكل عظمي صغير هببنا فيه هو بعد حطينا له رجل على رجل وحطينا بفمه تباشير يقاله يدخن والله أياام المعمل أرووووووع الأياااام ..

الرياااااضياااااات و ماأدراااااااك مالرياااضيات <~ أحس فيه فراشات بينصدمووون إننا علمي و أنا تعمدت تأخير هالنقطة هههههههههه ..
هالرياااضيااات كان أسبوعيا إختبار يا يتأجل يا إعادة والله كأن حياتنا رياضيااات بسس و مرة مدرستنا حلفت ماتعيدهـ والله يخليك و يوفقك أبدا مااااااااااافي وش سوووووينااا كتبنا رسالة نطلبها ونحنن قلبها تعيد لنا و كانت واسطتنا معلمة الكيمياء و طبعا تمت الموافقة و استانسناااا ..

في حفل تخرجنا المتواضعة كنا كاااشخين ومتحمسين حفل تخرجنا وماندري وش مخبيه القدر لهالكششخة كانت أختنا في الله عابدهـ (طبعا عابدة كانت عضووو مرجوووج معانا)جايبة بودرة الأطفال في علبة وجابت علبه فاضية تقسم لها و لثراثير المهم ولعبنا بالبودرة و كبينا بعض وبعدها مويا طبعا أختكم هناديد فصخت سلسالها وحلقها ويلا لعب تخيلوا بودرة أطفال مع مويا وش بتكوون ريحتناا حفايظ أطفاال ..

وآخر يوم بالإختبارات عابدهـ المرجوجه جابت ميراندا بالقراوبة كبيييييير

طبعا إحنا تمت لنا الموافقة بشرط يرجع الفصصل نظيف زي ماكان .. وماكان منا نحن الطالبات المؤدبات إلا جلب المكانس وأكياس الزبالة ويلااااا حصة تنظيف

شوفوا فصلنا وش حلااتهـ نظييييييييييييف <~ الشنطة البيج شنطتي هذاك مكاننا أنا وبشوو ..

وأخيرا بعد ما رتبنا و فصصلنا ورجعناه مثل ماكان بدأنا بالتصوووير .. وهذي صورة جزمنا الكوووشخة <~ برااا ..

طبعا في الفصل الثاني سنة ثالث يعني آآآآآآخر ترم كان فيه مسابقة الفصول و إحنا ما قصرنااا بدعنا باللي نقدر عليه وهذا فصلناا ..

هذا باب فصلنا يالبآآآآآآهـ ..

وهذي طاولاتنااا <~ طبعا دقيقة الملاحظة بستغرب الطاولات تغيرت مديرتنا المحترمة قالت الطاولات الخضراء كبيرة و المدرسة صغيرة فرجعت لنا القديمة

وهذي الباصرة فيها أسمائنا والشطرنج جدول الحصص ..

هذي طاولاتنا أنا وبشاشير ونجاويط و مواجيط ورحابيب ..

وهذي طاولة ثراثير ولهاليم ومعاهم عابدهـ ..

وهذي طاولتنا وفيها عكاااز مواجيط ياقلبي عليها قبل لا يخلونا نروح المعمل لأنها ماتقدر تطلع <~ المديرة كانت رافضة بس المعلمات حزنوا ع مواجيط وتوسطوا لنا يالبى معالمااتناا

بنفس هاليوم وزعت لنا أستاذة الكيميا أوراق الإختبار طبعا كنا مستناسين ونصووور ..

إليكم اللوحة الخلفية و السبورة و المكتبة ..

بقولكم حالنا بعد التخرج أنا و بشاشير ولهاليم قبلونا بالجامعة و ثراثير و نجاويط و مواجيط و رحابيب بالكلية و إن ششاء الله السسنة الجااية نجتمع بالجامعة .. أنا اعتذرت هالترم لأني حولت مسسسار أدبي .. ربي يوفق الجميع ياااارب ..

أعتذر عن سوووء التصوير لأنه بكاميرا اللاب .. وإذا كان فيه أخطاء إملائية أو شي هالله هالله بالستر هع ..

ولله الحمد والمنة تمت كتابة موضوعي بعد إتصالي بثراثير تذكرني ببعض الموواقف ..
أشكرك أختي النوري 😡 تعبتك معي بالبداية بعدين هربتي وخليتيني هع ..

لعنووووونك تووووفي هذا طلبك ..

أتمنى ينال إعجاابي موضوعي المتوااضع ..

لكل بداية نهاية وهذهـ نهايتي <~ متعوب ع الجملة ..

في امان الله ..

عالم البنات النسائي كل ما يخص المرأة العربية من ازياء وجمال والحياة الزوجية والمطبخ

::::::: جهد شخصي مميز يستحق المشـآهده ::::::: ҳҲҳ..♥العمر بحر والذكرى سفينة♥..ҳҲҳ

مقالات مشابهة

عن symohammed

شاهد أيضاً

انواع الاحراجات!!!! لا يفوتكم هع هع ….

::::::: جهد شخصي مميز يستحق المشـآهده ::::::: ҳҲҳ..♥العمر بحر والذكرى سفينة♥..ҳҲҳ

مقالات مشابهة

وحش المدرسه ( عاصي )

رســـــالة مهممة وربي مهمممممة لكَ أنتِ..ادخلي وماراح تندمين إن شاء الله

إمام مسجد يسمع صوت إبنه وهو ساجد ((سبحان الله العظيم‏

عن symohammed

شاهد أيضاً

انواع الاحراجات!!!! لا يفوتكم هع هع ….