عالم البنات النسائي كل ما يخص المرأة العربية من ازياء وجمال والحياة الزوجية والمطبخ
.
.
.
ماتحسون أني نشبت لكم هنا بالقسم
كثير تجيني رسايل عالخاص من بنات يبون يتغيرون .. بس مايقدرون
كثير بنات يقولون لي انا ثقتي بنفسي معدومة انا ماعندي ثقه بنفسي انا مافيه امل مني
انا اساسا مكتوب علي كذا اعيش بالحزن على طول .. انا حاولت كثير اغير من نفسي بس ماقدرت مره
تعرفون ايش مشكله البنات الي يقولون كذا .. ماعندهم قوة اراده .. ابد ماعندهم
لو عندك قوه اراده تقدرين تتغلبين على كل شي متعبك على كل مشكله تواجهك
لاتقولين انا كذا .. مافية شي اسمه انا كذا
اذا انتي مو راضية عن نفسك وتبين تتغيرين
اول شي خلي عندك قوة اراده .. عندك عزيمة .. انك تتغيرين وتسعين للأفضل
قوة الاراده هاذي ماتجي من فراغ ماتجي من كلام تقولينة
ممكن وحده تقرا كلامي الحين تقول ايه انا ابي اتغير وانا بسوي وبسوي
وبالنهايه ماتسوي شي
قوة الاراده يابنات ماهي كلام ماهي عبارات تنقال
قوه الاراده تبنع من داخلنا .. من جوا .. انا أبي اكون كذا يعني أنا ابي اكون كذا مهما صار ومهما تعبت
لاتحطين راسك عالمخده وتقولين يارب اتغير يارب ارتاح يارب اكون احسن
قومي اتحركي حاولي مره ومرتين وثلاث وخليك واثقه بربي راح يساعدك لو انتي صادقه مع نفسك
مو تقولين يارب وانتي جالسه ولاتسوين شي ولاتحاولين حتى وتنتظرين الفرح والراحه تجيك على طبق من ذهب
لاتقولين حاولت وحاولت ومافيه فايده
لاتقولين كذا حاولي لو الف مره مو عشر بالنهاية راح تنجحين
بس خليك قويه اراده وخلي عندك ثقه بربك .. وراح تنجحين صدقوني مثل ماأنا نجحت
تعرفون يابنات أني جلست أعالج مشكله الخجل الي فيني سنة كاملة
كل مره كنت احاول فيها أفشل وبالعكس كانت مشكلتي تزيد سوء وسوء بس مايئست ابد
ولاكنت أسمح لنفسي أني أيئس أبدا
لاني اساسا مو راضيه عن نفسي .. انا أبي أعيش مثل ماأنا أبي .. عشان كذا كنت أحاول وتعبت كثير
بس بالنهاية نجحت .. وكل الناس ألي حولي كانوا يقولون لي اني تغيرت كثير
تعرفون بعدين ايش صار .. صرت أثق بنفسي أكثر وأكثر
وحتى لما تواجهني أي مشكله ماأتعب كثير لأني واثقه من نفسي
وأعرف أني اقدر اسوي كل شي أنا ابيه بقوه إرادتي .. بثقتي بربي …
حتى ربي يابنات ينهانا عن هالشي ينهانا اننا نكون متواكلين
خليك متوكله على ربي وقومي بالاسباب .. سوي شي تحركي .. حاولي مره والف لين تنجحين
مو تبين تصيرين أحسن .. مو تبين تكونين راضية عن نفسك
انا متأكده أن اغلبكم مو راضي عن نفسة .. طيب دام انتي مو راضيه عن نفسك ..
تحطين يدك على خدك وتجلسين تنتظرين عصا سحريه يعني تجي تحل لك كل مشاكلك
ماعلية ممكن بالبدايه تتعبين كثير مثل ماانا تعبت .. بس اضغطي على نفسك
ولاتستلمين .. اصنعي نفسك بنفسك ..
إصنعوا انفسكم بأنفسكم يابنات
