عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
هذا اول موضوع اكتبة كنت اكتفي بالمتابعة..
بس والله شئ يرفع الضغط 😆 idea:
اقولكم عن تجربتي انا مع زوجة اخوي..
مثلا تجي عندي عندها بنتين(ماشاء الله)جنانية مررررررة وانا بأعتقادي محد خلاهم كذا الا تربيتها بصراحة..
مثلا الشوكلاة طبعات ايدينهم على الجدران اقول للبنت لا حبيبتي لا تسوين كذا والام معطية طناااااااش والبنت مادام امها ما قالتلها شئ ما ترد.وبعدين تجي تغيرلها على الكنب حقي 😆 🙂
بدون ما تحط شئ تحتها المشكلة انة ككـــــــــــا وانقرف واطلع من الغرفة..
العصير تكبة البنت على الكنب والسجادة والارض بالحركة البطيئة وامها مطنشة وتسولف 💡 .وانا اناظر البنت اقولها لا يا قلبي لا ,,كككككككككككككك
ولا فية امل تتكلم ابو الهول امها.ولما تكبة اقوم وامسحة القاهم مكسرين الفواحات والتحف. وتشوفني امهم جاية منصدمة تجلس تضحك 😐 تقول كسروها لك ككككككككككككك
احيان يجون صدفة ماقدر اضف كل التحف واغبيها!!
جبت للام المشمع اللي ينحط تحت البيبي وقت التغيير.قلتلها رحت السوق وعجبني وجبتلك وجبت لولدي علشان ما اجرحها ……والله ما فية امل تفهمها ❗
مرة كنت لابسة ابيض وجو بناتها يتركون علي وايدينهم شوكلاة قلتلها حبيبتي بعدي شوي لا توصخيني قالت الام البجيحة :احد قالك تلبسين ابيض!!وانا مبعدة ولدي عني عشان ما يوصخني 😐
كل ما نطلع السوق انا وهي وامي
طبعا انا معي عربية ولدي وامي معها اختي الصغيرة بعربيتها تجي زوجة اخوي ترمي علينا بناتها وتنحاش تروح تتسوق…((مانبي نشوف وش اشترت بالطقاق اللي يطقها )) بس نبلش ببناتها ونظطر نجلس ننتظر السفيرة تطل علينا .
جتني مرة وولدي كان نايم بالغرفة وصحى جبتة طبعا هجموووووووو علية بناتها ولدى عمرة 10 شهور وبناتها 5 و4 سنوات يعني ما شاء الله فرق بالجسم,قامت الكبيرة تسحبة من يدة خفت تنفك يدة والثانية تقرصة وتدخل يدها بفمة وتأكلة اوراق..ويسحبونة من بعض والولد 😥 قام يفرفر
قلت كل شي اجامل فية الا ولدي
قلت:لو سمحتي قولي لبناتك يبعدون عنة شوي قالت ياختي ودية الغرفة وسكري الباب عشان ما يدخلون!!!اترك ولدي يصايح لحاة عشان خاطرها..كل ذا وهو بحظني جالس شلون لو تركتة في الارض..تخيلو ما قالت ولا كلمة لبناتها
شوي وولدي يمسك شعر بنتها وهو معصببب
قامت نطت الام قالت كلة الا شعر بنتي شهد
وتمسك يدة تبعدة عن شعر بنتها وتقولي تحركي بعدي يدة عن شعرها..قلت ولية انتي ماتتحركين يوم هم طبو علية ؟على الافل هم يقدرون ياخذون بحقهم لانهم كبار بس ذا البزر وش يسوي؟؟
ورجعو هجمو علية والمدام جالسة تسولف بكل برود متجاهلة واقولها بس قولي شي لهم هم يسمعون كلامك انا تعرفيني ماحب اخانقهم ولا اهاوشهم ابد, قولي شي ولا فتحت فمها
مع العلم انهم يخااااااااافون من امهم خوف الويل يعني هي بالنسبة لهم دركولا..
والله جد تمسك اي شي ترميه عليهم بس بمزاجها. حرام عليها تكفخهم تكفيخ الويلللللل حتى اخوي قالها انتي شوهتي بناتي وكان بيطلقها بسبب ضربها لهم الغير طبيعي..انا من جد ودي اوصل لاي ام مهملة ما عمرها قالت لعيالها كذا عيـــــــــب
ربتهم بس على الرعب والضرب.تاركتهم يسوون اي شي وهي باردةةة…لكن اذ فعلو شئ يقهرها شخصيا قامت وكفختهم هل هذا اسلوب تربية؟؟؟
تخيلو تحرمهم من الاكل تقول لا لا ياكلون علشان ما يسوون ككا مالي خلق اغير لهم!!!!!!
هي اللي ربتهم على الفوضى .كنا مرة بمحل نكست ,كانت تقوس على بنتها شهد فستان ,ومشت الام تدور غيرة, قالت شهد,ماما وين اودي الفستان؟؟ردت الام ارمية في الارض!! 😆 🙄
فية امهات يحبون يجمعون بزران ويولدون ولا يهتمون في التربية ابدااا
عيب والله عيب
مرة اختي رهف بخامس ابتدائي جلست تزاعق على ولدي بس كذ تلعب معاة , قلتلها رهف لا تزاعقين ما ودي يتعود على الهواش كأنه شئ عادي علشان لما يغلط يكفي اقولة كلمة بصوت عالي ويعرف انة سوى شئ غلط.قالت زوجة اخوي يا شيخة يا مثالية .قلت انا احاول اكون مثالية ودي
قامت الحقيرة وقفت قدام ولدي تهاوشة بأقوى صوت عندها ,,,نحاسة كذا عشانها عارفة اني ما راح اقولها شي والولد انفجعع 😡
من دون مبالغة صوتها زلزال
انا مو مثالية وانا اصارخ بس والله احاااول اربي ولدي زين ما ابية يكون مهزوز اي كلمة تجرحة ولا ابية يكون متعود على التهزئ ولسانة وسخ.
انا عارفة ان زوجة اخوي شاذة بكل شيء
بس ترا فعلا فية كثير ناس كذا
وابشركم تراها حامل 😉 وبتوأم
خخخخخخخخخخخخخ
الله يعين اخوي اللي بيغسلها رضاعات عيالها وبيغيرلهم حفايضهم,المخفة,,وهي تحط
من جد يابنات مو ذا الشي يقهر..مدري وش اسوي تعبت اجامل كل بيتي اندمرررررررر والله وتوة جديد.وما قهرني غير تغيير الككا على الكنب وعععععع
الكل ينتقدها مو انا بس
ودايم اشوف ناس كذا الله يهديهم
يا امهات علمو عيالكم كلمة عيب لا تهملونهم علشان انتم ترتاحون اصلا. ابي تعليقكم واذا اي وحدة صارلها مثل موقفي وايش ممكن الوحدة تسوي علشان ما تتعرض لناس زي كذا؟
