جيتكم اليوم وبكتب لكم قصه ولادتي بفطووومة .۔ حياكمم

السلام عليكم ورحمة الله وبركاته

اخباركم

وكيفكم مع البرد وه حلاتها كذا

عارفه بتقولون بدري توني انزلها القصه

بس كل ماكتبتها يعلق النت وترووح
💡 ثلاث مرات يمكن اكتبها وترووح

المهم كان ذاك اليوم الاحد 16 شعبان عندي موعد للدكتورة وكان اخر يوم بالتسع على حسابي وعلى حساب الدكتورة باقي ثلاث ايام واخلص التاسع طيب
سالتني لو كنت احس بشئ وكذا قلت لها وطلبت مني كشف من تحت وسوته والظاهر معاه سوت تحريض لانه مؤلم مرةوبعد ماخلصت قالت احتمال ولادة الليلة لو حسيتي بالم او دم او نزلت موية تعالي المستشفى
لما طلعنا انا وزوجي قلت تعال بس قال ولادة الليله تعلم الغيب هي هالكلام العصر
وبالليل الساعة8 كنت طالعة مع اهل زووجي حفله وحسيت بشئ نزل ولما رحت وشفت طلع دم خفيف انا وجهي كذا  😥
على فرح على حزن
ركبت السيارة قبل اهل زوجي وكان زوجي سابقنا ركبت وقلت له نزل علي دم قالي من جدك قلت ايه قال نروح المستشفى الحين قلت لا مابروح. مافي الم بعدين
ورحت مع اهل زوجي واحس بالم بظهري خفيف مرة يرووح وفترة ويرجع وكذا
ولما رجعت البيت يمكن عالساعه11 دخلت التجمع وكتبت لهم ودعوا لي وطمنوني ماقصروووا
وبعدها بنام ويجيني الم بظهري احسب طلع كل خمس او سبع دقايق وكل شوية يزيد
ولما شافني زوجي كذا قال نروح المستشفى وقمت غيرت البيجامه ولبست فستان خفيف يعني حق حوامل هع
وطبعا مستانسه بولد ماكنت ادري عن شئ فكرت المها بسيط 😡 لان الالم محتمل مو قووي واضحك واخفي ضحكاتي عن زوجي هع لايشوفني يقول خبله ورحنا وطول الطريق يجيني بس محتمل واكتم نفسي وكنت مشغلة سورة مريم
دخلت الطوارئ لان كان تقريبا 1 بالليل وحووستهم حرارة ووزن وكذا وطلعوني غرفة الولادة يعني هوه قسم وكشفت الدكتورة المناوبةة وطلع 2 سم تحطمت لان وقتها كان فيه الم وطلعتني قالت رجعي البيت وشربي اشياء دافيه وكذا ولما طلعت الالم زااد عن قبل وبديت اوون وماني متحملة الوقفه ركبت السيارة ولما شافني كذا زوجي رجع لها وخلاها تكتب مسكن وصلنا البيت ورميت نفسي عالسرير تعبانة وكنت من الفجر صاحية ونمت واذا جاتني الطلقه اجلس اوون واصرخ اقول اااي ااي اي يمه وارجع انام وهكذا لما صار الفجر وماصليت 👿 ماقدرت وعالساعه5 وشوي زاد الالم وبدا ينزل دم كثير
وكنت وقتها طول وقتي بالحمام ارتاح فيه هع
ورحنا المستشفى وطول الطريق اصرخ ورافعة رجولي على مدري شسمه هع وكل طلقة اقول ااي ااي يمه وهكذا وصلنا جاب زوجي كرسي ماقدرت امشي ودخلت الطوارئ وطلعوني لقسم الولادة وكشفت نفسها الدكتورة وقالت 5 سم خلعووني ملابس ولبسوني لبسهم وودوني غرفه الولادة وكنت حاقدة مرة عالدكتورة وركبوا التخطيط وكنت منسدحة على جنبي مقدر ظهري منكسر
وطلبت مسكن وجابوا لي ابرة مسكن ولما قالت بيحس بالم شوي تخيل لي بغزة ابرة ولما ضربتها فيني جاتني شهقة مو طبيعي تجمدت وبدا الالم يخف ونمت واحس بالم بسيييط مرة
واشوفهم يروحون ويجون وجهزوا ادوات الولادة ومقصات وحوسة وانام واجلس وكذا كني سهرانة وكل شوي يكشفوون عالساعه 8 صار 8 سم هع ورجع الالم ازيد من قبل واتقلب ويطيح التخطيط ويرجعونه يطفش اووف منه وطبعا كل شوي يركبوا لي الاكسجين وارميه واسمع صوت دكتور واصرخ فيهم ليه جايبين لي دكتورة انا مابي واصارخ قالوا لالالا دكتور مو لك للبيبي
المهم عطوني الكمامة واشفط ومالي خلقها وبعدها بديت اشفط وكني نايمة بس احس باللي حولي وفجاة رميتها بقوة وبديت اصرخ وانا ماسكة راسي واصرخ بقوة راسي بالمني راسي وكنت مغمضة عيوني وانا مايالمني بس ليه اصرخ مدري ولما فتحت الا هما يقولوا لي يلا بوووش بو شصار 10 بوووش واشتغل تدفع ومدري شلوووون وقالوا ا جات الطلقة دفي وانا ماني عارفه ادف بس كذا واغمى علي ما اذكر من هالجزء شئ وتالي حسيت براسي يطيح عالمخدة ولما فتحت عيوني لمحت رجول بنتي والحبل السري واخذوووها وسمعت صوتها تبكي وه على ذيك اللحظة شعور يدنن ومدري وش سووا فيها 😥 وانا اقول وين بنتي جيبوها لي ابيها وجابوها وحطوها على كتفي بستها واخذوها للحضانة وبدت مرحلة الخياطة وهالوقت سبحان الله راح الالم كله واصحصح لهم واسحبوا المشيمة وكان خاطري اشووفها مرررة هع ماوروني اياها وحطوا بنج وبدا الشغل خياط واجننهم حطوا بنج يالم وهكذا وخلصوووا وخلوني ساعتين تبع المراقبه وطلعوني غرفه التنويم وجا لي زوجي جلس شوي وبشرنا الاهل برسايل وراح وكان وقت غدا حطوا وما اشتهيت كبسة وانا ما احبها
وعالعصر جعت وزوجي قبل لايطلع قال بجيب عصاير وكذا وشكله نسى وراح ومافيه ولا شئ اكله ولا خطر ببالي اطلب منهم 😛 والمغرب جابوا عشا واكلت وسديت الجوع وبالليل زاروني الاهل وبس خلصت مرحلة الولادة وبديت مرحلة التربيه ونسيت اقووول وقت الطلق كنت اخربط ابي ام ابي زوجي<<< حليمة بولند على غفله خخخخ وكنت اقول يمه سامحيني وخرابيط واجد

وصح كانت مع الممرضات وحده سعودية عسل الله يوفقها يارب

ولدت بيوم 17 شعبان يوم الاثنين وسميت بنتي فاطمة دعواتكم ربي يهديها صياحه وعصبيه كثير هع
وكانت ولادتي بمستشفى المانع بالاحساء
وعنايتهم حلووة وتنظيف على طوول وبشوشين يضحكوا بوجهك
بس ممرضات قسم الولادة يطفشوون يعصبون على الواحد مافيه رحمة ابد
وصح كنت اراجع عند الدكتورة حنان بنفس المستشفى
وبس عارفه طولت على ما اكتبها بس مشاغل والله

تحياتي بنوتة

استغفر الله ربي واتوب اليه