عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا اخواتي الفراشات والله ماقصرتن بردودكن للموضوع الاول
وهذا رابطه
http://satfrequencies.com/girls/alfrasha28/thread1079647/
وودي اخبركن شو صار امس
انا من يومين خبرت اختها الكبيره وهي ماقصرت هددت اختها وقالتلها اذا
رحتي الدوام راح اخبر ابوج بكل سالفتج واظنها خافت على قولة اختها وماراحت الدوام
وطبعا للحين الضحيه الزوجه ماعرفت اوصلها لاني بصدق يابنات مااعرف عنها اي شي
حتى اسمها الاول
بس اليوم الصباح جاني اتصال من اخت البنت
تقولي ان اختها امس جالسه تتكلم بالتلفون تقريبا الساعه 2 نص الليل
واخوها جاي سهران من برا وسمع صوت ودخل عليها لقاها تتكلم
وطقها طق الله لا يوريكم اياه ومو بس كذا
بعد اخذ رقم الولد والظاهر راح ينظرب بعد
شفتوا المقوله
الله يمهل ولا يهمل
مااخفي عليكم يابنات هالبنت كانت في يوم من اعز صديقاتي بنت متدينه وربي ماالها مثيل
بس اشلون تغيرت ماادري
ماشفتها من سنتين وكل اللي بيننا الحين ايميلات
وتفأجأت باتصالها واصرارها لشوفتي وانها تبيني بموضوع ياحياه ياموت
ورحت قلت اكيد مالها غيري
وعمري انا مارديت احد
والصدمه الكبيره يوم قالتلي السالفه
ماهقيت يطلع منها وهي اللي زرعت شي بداخلي يوم كنا رفيقات
الله يهديها ويارب تكون بدايه صعبه حالها عشان تتغير
دمتم بود
