عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته :
مادري من وين أبدأ أحسني متكدره وقلبي مليان غصات وعيوني تعبت من البكاء 🙁
أنا لي حوالي 4 سنوات متزوجة وماحملت زيادة على كذا زوجي بمنطقة وأنا بمنطقة
شغله بمكان وأنا أشتغل بمكان ثاني أول ماتزوجنا كنا نلتقي كل أسبوعين وبعدها
قلت صرنا مره بالشهر وسافر هو للخارج وجلست عند أهلي واجتمعت علي
فراق زوجي وغربة لأني معلمة بمنطقة بعيدة عن بيتي وفوق هذا كله كلام الناس
ذبحني مايرحمون 🙂 أنا أجهضت ثلاث مرات وكلها بالشهر الثاني
وكشفت ومافي سبب محدد للإجهاض _ يارب رحمتك _ وعاد تعرفون الحريم
وحركاتهم يرفعون الضغط هذي تقولي أعرف دكتور شاطر مره تبغي عنوانه
وهذي تقول أعرف حرمه تمرخ وتعطي علاج خوذي رقمها وهذي تعطيني
وصفه وكل هذا عشان يفتحوا معاي الموضوع ويعرفوا أنا أعالج أو لا والمصيبة
إنهن معلمات معاي بنفس المدرسة 😆 🙂 وأسمع كلام يذبح اللي تقول مسكينه الله يرزقها
واللي تقولي انتبهي لايتزوج زوجك عليك زيادة على بعدك ماعندك عيال
يارب ارحمني 😆 idea:
وأنا أموت من القهر مايكفيني كلام قرايبي وأهل زوجي
واليوم أغلب المعلمات اللي معاي بالمدرسة رايحين مجلس الأمهات في الروضة
اللي يدرسون فيها عيالهم وبناتهم وفي آخر الدوام جو وكل وحده معاها ولدها أو بنتها
قسم بالله خنقتني العبرة 😆 hy: ومسكت نفسي عشان ما يشفقون علي ويذبحوني
بكلامهم مو حسد لهم لا والله ربي يحفظ لهم عيالهم بس تمنيت إن عندي بنت أو ولد
وأروح أحضر حفلته قسم بالله فيني غصة مايعلم فيها غير رب العالمين
يارحيم يارحيم يارحيم
ارحم ضعفي وارزقني الذرية الصالحة وكل المحرومات
رب لاتذرني فرداً وأنت خير الوارثين
اللهم رد لي زوجي سالماً وارزقني الاستقرار معه
اللهم يسر نقلي وفرح قلبي
اللهم صب محبتي في قلب زوجي صباً صباً وأرني ذلك
اللهم آآآآآآآآمين
معليش أخواتي طولت عليكم بس هالشيء مضايقني طوال اليوم
فحبيت أفضفض لكم
تكفون أي وحده تدخل تواسيني لو بكلمة أو دعوة بظهر الغيب\
ولها مثلها بإذن الله
وجزاكم الله كل خير 💡
