حاسديني على موتي

انا مشكلتي بشيين آولهآ ونآستي + وسوستي من العين

انا انسانه احب الضحك والفرفشه اكره الناس المعقده والماده البوز والثقيله وخاصه اذا اندمجت
مع الناس بسررعه افلهآ معهم ( مآشآء الله ) ..
وهينآ المشكله انا متزوجه و3 من صحبآتي متزوجآت و4 لسى بنآت ووحده منهم مملكه

صحبآتي المتزوجات حآسداتني بطريقه ماهي واضحه لاني على طوول اضحك وافرفوشه ومسويه جو
على بالهم انا في حياتي مع زوجي مبسوطه وهذا الشي يخليني كذآ

اللي مآيعرفونه ولا ابي احد يحس فيه اني لي سنه مآشفت زوجي هو سفره مآخذه عني
وربي مابالغت هالسنه كلها ماشفته الا 3 مرات وكلها كم يوم ويرجع يسافر
اروح بيت امي اتضايق ارجع بيتي لحآلي واحس اني موسوسه ببيتي وماصدق اطلع لهم وانبسط
وعلاقتي معه حتى بالايام اللي جاء فيها كلها مشآكل الحمد لله على كل حال

اللي خلاني اقول هالكلام صحبتي قالت لي ماشاء الله عليك زوجك اكيد حاطك بعيونه ولا وحده تقول لي فلانه تقول نفسها تتعلم منني شكلي مبين اني شاطره ومن هالكلام اللي ماينتهي
مره صحبتي تشتكي من زوجها وقلت لها رايي قالت انت بالذات مبسوطه مو حاسه بحركات الرجال النذله؟؟!!!
صرت اختلق قصص عندهم عن زوجي عشآن مآحس بنقص

يعني بالله ماانبسط مااضحك اوسوس ولا احكيهم عن زوجي اللي حتى ملامحه وربي نسيتها

ومشكلتي الثانيه

انا جدا جدا موسوسه بالعين يعني ماكنت كذا ابدا وربي الي صار اني صرت ماهتم بنفسسي زي قبل بس عشان ماحد يننتبه لي اختي جاتها عين من بنات تخرجو وماقدرت تاخذ منهم للعين
ومن هالسالفه صارت لي عقده
ماصرت افك شعري بالدوام ولا احط مكياج ملفت ولا ابالغ بلسي
سويت حركه الله يسامحني يارب ومنها حسيت اني موسوسه بقوه يوم كانت مسويه حفله لصحبتي
وبعد الحفله اخذت كل فناجيلهم حقت االقهوه وشربت منها وشربتها زوجي ونثرتها على بيتي

والحين صايره اوسوس اني فيه كم بنت لسى ماخذت من سورها واقول لازم اعيد الحركه واخذ فناجيلهم

ادري والله اني مبالغه بس مو بيدي ابي حل منكم وابي مشووره

تكفون لاتمرون على الموضوع مرور بس

هل الللي فيه انا طبيعي .؟؟؟