عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركااته
كيفكم يابنوتات طبعا صار لي فترة ماكتبت مواضيع
طبعا أنا مريت بحالة الله وحده اعلم بها
انا كتبت هالقصة اشوف يمكن تقدرو تفيدوني في اللي صار لي
أكيد تفتكروا قبل كذا كتبتلكم عن حبوب التبييض اللي أخذتها من(دكتورة عايدة) المهم
من دولة قطر أخدتها منها بسبعه ألاف الريال 7000 ريال شايفين المبلغ
المهم وصلتني الحبوب وهي عبارة عن 90 كبسولة قالتلي كل يوم حبه لمدة 3شهور
وبدأت فيها وكلمت وحده من صحباتي عنها ,
طبعا مرسلتها لي من غير كرتون عشان لا أشوف من وين جايبتها وقالتلي إنها من عياده معينه بفرنسا وبالطلب ومن هذا الكلام.
االمهم يوم شافتها صحبتي قالت مالها روشته ولا شي قلتلها لا بعدين أخذت نفس الشريحه حقت الحبوب وقريتها من ورى وكتبت اللي حصلته بالنت إتخيلو أيش اللي صار؟
لقيت الحبوب بموقع خاص إسمه مكاري طبعا كلكم تعرفوه المهم لقيتها موجوده بمواقع بفرنسا وبأمريكا وسعرها رخص التراااااب طبعا لقيناها باليورو ولما حولناها على الريال السعودي طلعت تقريبا 210 أو 230 طبعا على حسب ارتفاع وانخفاض اليورو المهم طبعا من غير تكاليف الشحن
طبعا اكيد حتقولولي طيب يمكن مو نفسها يمكن أتسرعت ظلمت الحرمه ولا شي المهم
أنا علطول أتصلت وقلتلها كذا وكذا قالتلي لا لايخدعوكم لاتكون من أصل فلبيني والكلام دا قلتلها طيب
سبحان الله يوم صحبتي راحت محل تجميل بجده المهم وكان هناك وحده لبنانية وكنت باكلم صحبتي وبأسألها عن اليورو المهم سمعتها اللبنانية وقالتلها على سعر اليورو وقالت أنا متأكدة منه عشان أختي بفرنسا
طبعا لما قالت كدا ماصدقنا كلمتها صحبتي قالتلها عن قصة الحبوب وسعرها الخيالي وقالت لا أكيد هذا شي مبالغ فيه وطلبت منها طلب بس نكلم أختها تتأكد لنا من الموضوع من هناك
ووالله البنت كانت بنت حلال وأعطتها رقم أختها المهم طبعا عشان انا اللي جربت الحبوب أخدت الرقم من صحبتي وكلمت الأخت ريما بفرنسا ووالله كانت أكثر من بنت بنت حلال المهم قالت انه مكاري موجود بفرنسا بأكتر من فرع وهي بتروح تزوره وبتعطيني خبر المهم ماعدا كم يوم إلا أعطتني رنه المهم كلمتها وقالتلي إنها الحبوب موجودة بالمحل وكمان عندهم أشياء كتير حلوه المهم قلتلها ماعلي بالأشياء الباقية أهم شي حبوب التبييض هذي أصليه قالتلي طبعا لأنه هالشركة أشيائها مابتتواجد إلا عندهم وقالتلي كمان قالولها في فرع بأميركا وهاذي الشركة 100/100 المهم صراحه شكرتها كتيييييييير لأنها ريحة قلبي من هالناحية وكلمت صحبتي عنها وكان صاحب أخوها بالخارج المهم طلبلنا اياها وبعد أسبوع تقريبا وصلتنا.
لاحظو أنا إلى الان ماظلمت الحرمه اللي اخدت منها الحبوب ولا أسأت لها
طبعا انا طلبت 6 كراتين واختي 6 كراتين وصحبتي 6 كراتين وكل وحده تقريبا دفعت 2000 وكمان دفعنا زيادة للولد اللي جاب الحبوب
والحبوب المفروض باليوم حبتين وحتى كذا مكتوب بالموقع انا قلت يمكن تركيزها أخف المهم أنا كان بقيت حبتين من حقت الدكتورة رفعتها فلما وصلتني الحبوب اخذت حبه من حقتها وحبه من الحبوب الجديده طبعا هيا نفس الشكل نفس اللون نفس الشريحه حقت الأدوية المهم والله أنا سويت كل هذا عشان لاأكون ظالمه الحرمه كل هذا عشان أتأكد المهم أخدتها عندنا بالمستشفى الحكومي وقالو الأدوية مابيحللوها ممكن تتحلل بمستشفى خاص المهم أعرف وحده تشتغل بمستشفى خاص و طلبت منها تسويلي تحليل للحبتين المهم قالت هذولي شكلهم واحد قلتلها معليش بس انا شاكة بالتركيز فقالت طيب انا راح أحللها وأردلك إنشالله
المهم أيش تتوقعو النتيجه يابنات ؟
أنا الحين بأستناها تحللها
