عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أخواتي..
معاناتي ما يعلم بها إلا الله أنا حامل في الشهر التاسع ومن الشهر الرابع جاتني إفرازات صفراء اللون بدون ريحة ورحت للطبيبة وسوت فحوصات من إلى قالت لي سليمة لا عندك بكتريا ولا فطريات هذي إفرازات حمل طبيعية..
قلت لها حملاتي اللي قبل ما صار معي هالشي..قالت كل حمل له ظروفه ويختلف..
وأعطتني تحاميل دكتارين لمدة ثلاث أيام واستخدمتها ولا ارتحت وبدأت المشكلة تزيد معي كل شهر ورحت لوحدة ثانية ونفس الشي ماعندي أي مشكلة حتى زوجي سوى فحوصات وطبيعي..
اللي ضايقني إن الإفرازات صايره سايلة جداً يعني أكرمكم الله لو انا واقفة وماني لابسة ملابس داخلية القاه مثل قطرات البول تسيل على فخوذي- أعتذر عن هالوصف بس والله ماغيركم بعد الله اقدر أشرح له حالتي- واللي يصير إني لما أكون خارج البيت وتصير هالإفرازات تتكون على مثاني الفخوذ وصارت تسبب لي حساسية وحكة..
وتطورت الحالة وصار تجيني حكة في الشفرات وتلتهب جداً..
وهذا كله شرحت للدكتورة وكل ماتسويلي تحاليل ومزرعة ومسحة وكل هالخرابيط تطلع النتايج سليمة..
المنطقة عندي ضيقة جداً جداً بعد ولادتي الأخيرة لني سويت خياطة تجميلية وتأكدت من زوجي إن كان مرتاح أو لا بالوضع لأني قلت لعله توسع ونتج عنه افرازات لكن الوضع والله بدون مبالغة مازال فيه نوع من الصعوبة بسبب ضيق المكان..
في الشهر السادس سوت لي الدكتورة تحليل بول وكانت النتيجة ارتفاع نسبة الصديد جداً وأعطتني مضاد وحبوب نوعين وفوار وبعد أسبوع انخفضت النسبة لكن مازالت عالية وجلست على هالمعاناة إلى الشهر اللي طاف (الثامن)
وسويت تحليل بول ولقيت نسبة الصديد عالية وكتبت الدكتورة على علاج آخر وراجعتها بعد أسبوع وما انخفضت النسبة ومازالت معاناتي مع الإفرازات لدرجة إنها شافت ملابسي الداخلية ورجعت سوت تحاليل وكل النتايج سليمة..
هل تتوقعون إن الإفرازات لها علاقة بالتهاب البول والحكة اللي في الشفرات لها علاقة بعد بها
خالتي تقول لعلها بعد الولادة تروووووووح..
أنا نفسيتي صايرة ميييييييييييح عدم ..
زوجي مايشتكي من شي مستمتع بالعلاقة لآخر حد وأنا الهم ياكلني أكل..
والله محطمة لأني لو أدري وش فيني بارتاح شوي..
تكفون خواتي اللي عندها خبرة وش معي أو خلفية أو مرت بمثل حالتي تطمني
واللي ماعندها خبرة تدخل وتدعي لي وترفع لي الموضوع..
الله يرحم والديكم ويفرج همومكم ويسر لكم ولادتكم..
