حامل… بس ماني قادرة افرح

مرحبا بنات
انا عارفة يمكن حتقولو مدلعة ولا ماتقدر النعمة ووووووووو
لكن بلييييييييز افهموني اليوم عرفت اني حامل وانصدمت صدمة عمري لاني عاملة كل الاحتياطات وحملت
انا عارفة ربي رايد والحمدلله على كل حال بس لسى بنتي عمرها سنة وشهر وانا فعلا تعبت معاها ومازلت ❗
تغيرت حياتي بعدها بس بقول الحمد الله وبصبر لانها الله يحميها متعبة شوية من ناحية الاكل والنوم والمرض بس بقول هذول الاطفال واحنا اهلهم لازم نتحمل والي زايد الطينة بلة انو اهلي مو نفس المدينة الي انا فيها ولا اهل زوجي وزوجي مشغول طول الوقت يعني كل شي على راسي من يوم ماتصحى الين ماتنام والله انا تغيرت صرت عصبية ولا اهتم بنفسي زي اول مع اني ابدا ماكنت كذا كنت في بيت اهلي الدلوعة لاني الوحيدة قلنا يلا بدال مانتدلع صرنا ندلع هذي سنة الحياة
كل حياتي تغيرت صرت مضغوطة جدا واقول مع الوقت اتاقلم بس ماقدرت,,, دائما اعتذر عن المناسبات وصديقاتي ما ادري عنهم لانو فعلا ما عندي وقت
ولما عرفت اني حامل بصراحة ماقدرت اخبي صدمتي واستيائي يارب الحمدلله بس مرة متضايقة وحاسة كذا فوق طاقتي ايش اسوي صليت ودعيت ربي يوقف معايا ويعينني بس نفسيتي مرة تعبانة قوليلي ايش اسوي ولاتنسوني بدعواتكم