عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن
الرحيم
السلام عليكم ورحمة الله وبركاته…كيفكم يابنااااات ان شاء الله تمام..
ابدخل بالموضوع ع طول ..هذا ياطويلات العمر والسلامه كان عندي ذهب دقاق اللي اسوره مكسوره
واللي حلق ماعجبني جايني هدية واللي سلسال بنتي مقطوع ..كنت راكنتهم ع جنب يا اني اصلحهم
ولا ابيعهم وقت الزنقه تلقاكم تقولون (( حشى وش بيجيبون)) صح؟؟؟
قالي زوجي ترا الذهب هالايام اعلى فترات ارتفاعة جداً مرتفع اذا بتبيعين شي ..
وهالكلام من ثلاثة او اربعة ايام ..
اليوم ياطويلات العمر رحت واخذت هالذهب المكسر واخذت طقمين كانوا جاييني هديه وماعجبوني
ذهب اصفر وانا احب الابيض ..
تدرون كم بعتهم ؟؟؟
قولوا ماشاء الله 
بعتهم يا حلوين ب احدى عشر الف وخمس ميه ..
يعني اللي عندها شي مو عاجبها ولا مكسور تلحق تبيعه قبل لاينزل السعر او بيعي واحفظي فلوسك
الين ينزل سعر الذهب بعدين اشتري شي ازين واجدد منه ..وتصدقي منه بعد 
والله اول ما طلعت من السوق قلت ابكتب للبنات بالمنتدى عشان يستفيدون .. 😆 🙂
ما استاهل منكم دعوه حلوه بصلاح بنيتي وان الله يجعل ما في بطني طفل سليم معافى تام الخلق
والخلق وان يكون ذكراً صالحاً واجعله ربي رضيا..اللهم اميييين.
