عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اليوم معي مشكلة صديقتي
بصراحة احترت معها مره
هي انسانه جداااااا محترمه ومن عائلة محافظة
تعرفت على انسان على طريق النت حتى يساعدها في تقديم ورق رسمي لها ولاخوها باحدى الجامعات
وبالفعل ساعدها وتعرف على ابوها واخوها .. وصار صديق للعايله
بعد فتره اعترف لها بحبه واعجابه فيها… وهي بادلته نفس الشيءواتفقوا على الزواج
استمرت علاقتهم فترة الله يهديها.. وهو صديق اخوها وابوها !!
المهم
اخوها اكتشف فجاه هالعلاقة وضربها ضرب مو صاحي … وكان ناوي على الرجال بس ربك ستر…
الرجال عرف عن انه اخوها عرف بالعلاقة اللي بينهم
فتقدم وخطبها من ابوها .. بس ابوها للاسف رفض الرجال لانه ما يبي يزوج بنته !!!! وغير كذا ما قال حتى لها جاك عريس !!!
<<<مدري كيف هالابو ؟؟؟
صديقتي محطممممممممممممممممه نفسيتها مره
ما تقدر تقول لابوها ابيه.. خصوصا انه اخوها حلف يمين عظيم لو وافق ابوها على الرجال لاي سبب راح يفضح بالسالفه عند ابوهم
وبس يحلف انه مستحيل تتزوجه لو جلست طول حياتها بدون زواج
هي الان لا بارض ولا بسماء.. وصابره ومحتسبه امرها لله.. وابتعدت عن هالرجال حتى ما تغضب ربها واهلها بس للحين تحبه وما تنام الليل
ما عرفت وش اقول لها
خصوصاً
وبحكم دراستها ودراسته تجي ايام تشوفه وهو يشوفها واخواها معها صدفه.. وياكثر هالصدف
بس طبعا مافي اي علاقة بينهم وانتهى كل شيء
هي صابره بس نفسيتها مره تعبانه ومهي قادرة تنساه ومتاكدة انه ما نسيها هو بعد.. وطبعا ما حاولت تبين له شيء ولا تبين لاخوها شيء
اخوها عرف يوم كان جالس معها على اللاب توب.. وشاف صديقه اللي هو حبيبها متصل معها بالمسن.. وبعدين سالها وشاف جوالها .. وهي صارحت اخوها بكل شيء و وريته كل شيء
اما
ابوها ما يبي يزوجها لانه يخاف عليها مره… و رفض كثير تقدموا لها من قريب ومن بعيد.. وعذره هالمره هالانسان ما نعرف اهله … ومو مجبورين نزوج البنت الحين… ويجيها افضل منه بعدين
اما
والدتها مسكيييييييينة مره.. هي اللي قالت لها انه تقدم لخطبها هالشخص… بس امها ما تعرف شي على علاقتها بالرجال … وطبعا ما تقدر تقول للابو زوج البنت.. لانه ابوها شدييييييد مره
كذا مره تمسك جوالها تبي تتصل ولا ترسل له ايميل.. بعدين تتذكر الفلم اللي صار لها وانها ما تبي تغضب ربها ولا تفشل اهلها .. تمسك نفسها وتقول لازم انساه بس مهي قادرة وخايفه انا عليها مره يجيها مرض نفسي لا سمح الله
والله مدري حالتها صعبه
لو عندكم حل دلوني لاني تعبت انصحها والله
بانتظار ردكم
وشكرا
