حبوب جلوتا سي الي من ارمال ….. ادخلوا وشوفو نتايجئها

قبل 3 سنين تقريبا وانا اقرا حبوب التبيض وكدا
المهم عملت سيرش جامد عنها وان في حريم يبيعوها وكدا طبعا خفت بس قريت مرا بمنتدى صيادله
عن حبوب بشركه ارمال
طبعا كلكم تعرفون ارمال للاعشاب
قلت هاذي اامن وافضل وع الاقل شركه معروفه
حتى الحبه كانت 100 ملغ
طبعا الي يبعوها الحريم 1000 ملغ
ودا سبب اقتناعي اني اشتريه من ارمال وهيا تجي من امريكا
المهم اشتريتها صراحه كل اثار الجروح الي بيا راحت
جسمي صار صافي طبعا هيا ماتودي سواد ركبه او نمش او كدا
بس الاثار وخطوط البيضا خفت وحسيت ان جسمي نضر
لكن جلست سنه النتايج ظهرت بس في البدايه بعدين كأنو جسمي اتعود عليها وما صارت تجيب نتيجه بس وصلت لدرجه قابله بشرتي
لكن بعدها والله العظيم
النوم ماعرفو
طبعا مو صارلي بعدها عطول يعني بفتره زي 4 شهور وانا كنت مستمره عليها سنه حبه صباح وحبه مساء
تعرفون لحد الان سنتين راحت وانا مانام الا على مهدئات حبوب مضاده للكتئاب زي سيبراليكس وميرزاجن ودي الحبوب تنصرف من اطباء نفسين صار اهم شي لي بدنيا ابغى انام دا حلم اتمنى انو يتحقق لي عملت كل شي قران وغيرو تحاليل عملت للكبد والسكر كلو سليم هرومانت غده كلو نورمل
بعدها صحبت اختي تحكي تقول بنت خالتها اخدت حبوب صارت البنت قشطه بياض الثلج لكن قبل ماتاخدها وقعها الدكتور على اخلاء مسوليتو اخدتها البنت وماهمها طبعا حبوب قويه مرا البنت صارت زي المجنوهن الحبوب سببت لها اكتئاب حاد وكذا مرا بتنتحر .. ربطت بمخي بلحبوب الي اخدها وطلت بنتيجه ان اي حبوب تبيض تلعب بالنفسيه مع العلم الي اخدتها كانت من اثارها الجانبيه تبيض يعني مو نفس الحبه تبيض يعني الاثر الجانبي لها تبيض
والله العظيم يابنات انا دايم اقرا مواضيع كدا ولا اصدق بخطوره الاشياء دي واقول البنات يبالغو
لكن اقسم بلله العلي العظيم ان اتمنى انام زي اي انسان بدنيا
تعرفون اتطور الموضع عندي اول كنت ع دواء واحد دحينت الصباح دوار وبليل دواء وحبوب ميرزاجن دي ياخدوها حتى الي بيوقفو ادمان بمشتفيات الامل لانها تخدر الواحد وتنومو مع العلم اني ما انام كويس يعني احلام وكوابيس وجسمي يرجف قلق فضيع
وانا نقلت تجربتي عن مأساتي واتمنى اي بنت قبل لاتاخد اي حبوب حتى فتيمانت وكدا تفكر مليون مرا …
انا دحينت ما ابغا الا بس انام مثل الناس
ولا ابغى غير دعوتكم لي بظهر الغيب ان ربي يريح قلبي ويهدي بالي واصير انام مثل الناس