عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
لاحظت فكل المنتديات موجة آبر وحبوب التبييض .. وبصراحه شي محزن جداً اني اشوف بنات بلدي وبنات العرب والمسلمين بالصوره دي .
وفعلا بعض الناس حتى الان ماعرف قيمة الصحه ومعنى العافيه
فأسالكم بالله العظيم .. لو قيل لك نعطيك البياض وناخذ صحتك .. بتوافقين ؟؟
ليه الاستعجال والاستهوان من طباعنا ..وليه احنا بس من الشعوب المستهلكه اللي همها هو تشتري بدون ماتسأل
وهنا نتكلم عن شي غالي جدا وهو الصحه والعافيه ..
وبكل اسف فيه بنات الله يهديهم يسوقون للحبوب والابر ذي وماعليهم وكل همهم الفلوس حتى لو على حساب ارواح الناس .. ونسيوا انها ممكن تتسبب فمرض ومصيبه لاخت لها فالله .
عن نفسي سألت لحد الان اكثر من 5 دكاتره كلهم استشاريين ومنهم الدكتور عبدالسلام جمعه عميد اطباء الجلديه على مستوى الوطن العربي وسألت اكثر من 3 متخصصين فالصيدليه ومنهم تخصص كيماوي
كلام الجميع والله يابنات وعلى رأسهم الدكتور عبدالسلام جمعه انه مافيه شي اسمه آبر وحبوب لتبييض البشره وقالها لي بالنص : يابنتي انا عمري المهني الان اكثر من 50 سنه وانا اراهن انه فيه شي اسمه حبوب للتبييض
وكان الاجماع ان المسأله كلها هالة اعلاميه لبعض الشركات اللي استغلت هوس وجنون البنات وان الموجود من الحبوب هي كلها مكملات غذائية لا اكثر ومالها اي علاقه بالبياض الصارخ اللي يتكلمون عنه .
بالنسبة لبعض الآبر والحبوب الامريكيه والايطاليه مكتوب عليها انها تساعد على تفتيح البشره وقال نعم صحيح لكن لها مضاعفات خطيره جدا مستقبليه منها سرطان الجلد والعياذ بالله وهذي الأبر والحبوب مكوناتها خطيره كانت فالاساس لمرضى البرص وحولوها وغيروا تركيباتها الى تركيبات خطيره ومحظوره..وان هالمنتجات يستحيل تدخل السعوديه او الخليج .. وطريقة شرائها عن طريق الانترنت وكل الكلام الموجود على العبوات والموقع غير صحيحه وغرضهم التسويق فقط .
عموما راح اختم كلامي بصوره لكلام وحده فمنتدى مجاور … وهادا اكبر دليل يابنات
فنصيحه لوجه الله احمدوا ربكم على العافية وشوفوا كلام الاخت تمام وبعدها القرار لكم
اتمنى من اي اخت تشوف الموضوع تنشره او تساعد في توعية الاخوات اللي يسالون عن حبوب المصايب دي
