{{حبيباتي تكفون ادخلوا وساعدوني بمشكلتي(الله يوفقكم وييسر لكم كل عسير) }}

مرحبا خواتي العزيزات اتمنى انكم توسعون صدوركم عليه وتساعدوني بمشكلتي
والله اني محتاره ولاني قادره اتخذ قرار يريحني وقلت مالي غير اخواتي في الله
اكيد راح يساعدوني بإتخاذ القرار الصحيح بعد توفيق من الله انشاء الله طبعا وانا
متأكده راح تقولولي رأيكم وتجاربكم وما راح تقصرون الله لا يحرمني منكم ➡
المهم حبيباتي انا حامل في بداية الشهر الرابع ومشكلتي اني رحت في الشهر الثاني والنصف
وفتحت ملف متابعه عند دكتوره مشهوره وكويسه وسوت لي اشعه وقالت الوضع كويس
ونبض الجنين طيب الحمد لله وكتبت لي حبوب للغثيان وحامض الفوليك وقلت لي بعد 20يوم
تعالي اعملي التحاليل اللازمه واستخدمت الحبوب وبعد الاسبوعين رحت وعملت التحاليل والحمدلله
طلعت كلها كويسه وقتها دخلت في الشهر الثالث ودخلت للدكتوره وعملت لي الاشعه وكانت الصدمه
الكبيره لي لمن قالت الجنين مافيه نبض وشكله متوفي فقالت لازم نصبر اسبوع وتجيني نعمل اشعه
ثانيه عشان نتأكد وتعالي شوفي عاد كيف مر عليه هذا الاسبوع توتر وقلق وتفكير متواصل المشكله
ماني حاسه بأي أعراض للاجهاض لا نزول دم ولا الآم ولا شي وبعد الاسبوع رحت وطلع نفس
الكلام وقالت كذا أتأكدنا مفيش أمل لازم تسوين عملية تنظيف ساعتها اسودت الدنيا بوجهي وكتبت
لي على مضاد حيوي ايموكس كبسولات 500 وقالت3 مرات في اليوم مدة 5 ايام وبعدها على طول
تعملي العمليه بعدين قال زوجي لازم نتأكد في مكان ثاني ورحت لأستشاريه وقالت الجنين مافيه
نبض ولازم ينزل وهاذي حكايتي وانا دحين والله محتاره كثير ناس نصحوني ما أستعجل وان في كذا
حاله مثلي وتم حملهم بسلام بس انا والله قلقانه وماودي بهاذي العمليه واخاف ما اسويها واخليه ويأثر
على صحتي والحمدلله على كل حال تكفوووووون حبيباتي ساعدوني اذا تعرفون شي وأعذروني على
الاطاله والله يتمم لكل حامل حملها وييسر لها حملها وولادتها (اللهم آآآآآآآآآمين)