عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير
شلونكم ان شالله طيبين
كنت حامل بتوأم بعد سنين علاج وكانوا اثنينهم اولاد وزوجي ماخلى احد والا قالهم مرتي حامل بتوأم
ومن ثلاث اسابيع قطعتكم والسبب ان واحد من الاجنه توفي من دون سبب
حاولوا كل الدكاتره معرفه سبب وفاته وبالنهايه قالوا توقف بالقلب فقط
توفى ولدي ببطني وعمره 26 اسبووع يعني بالشهر السابع
وبعدها باسبوعين ولدت ولدي الحي وولدي المتوفي والحين ولدي الثاني بالعنايه المركزة
لاني ولدته وعمره 28 اسبووع صارلي يومين بالبيت وولدي بعيد عني
وخايفه عليه وقلبي معورني على ولدي المتوفي
حتى كل اغراضهم شريتهم من ثيااب ومراضع واغراض الحمام وحتى هداياا التوريعات شريتهم
الاغراض عندي وواحد توفي والثاني بالعنايه المركزة
حبيت انصحكم ان لا اتعلمون احد شنو ببطونكم لان عيون الناس ماترحم
والحمدلله على كل حاااال والله يرزق الجميع
