حب وتواصل

ياللي احبك لاتمادي بهجران..
        خله علي ماقيل حب وتواصل..
خل المحبه تنعش إحساس ولهان..
       الغ الخطوط الحمر والغ الفواصل..
قلبي عليك من الوله حيل شفقان..
     يبيك ياعمري علي طول واصل..
فيك الخصال الطيبه يا أغلي انسان..
    وفيني وفا صادق من الود حاصل..
بعاملك بالحب وبذوق واحسان..
    ولو ابتعدنا لازم أني أواصل.. 
سلم المحبه بين رابح وخسران..
     احدن نبي بعده واحدن نواصل..
مادمت بين القلب والعين يا فلان ..
    بعد المسافه نقربه بالمواصل..
لو انتهينا وانتهت كل الأزمان..
     مااحدن علي حبك وقدرك يفاصل..

تحياتي ..
بجنون انا احبك