عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مسائكم فل
مدري من وين ادرعم ➡ 😆 idea:
انا احس اني مهما ادهر على عمري…مايبين بعيون احد <<صارت خشوم مهب عيون<<يازيني ساكته
اهم شي لو اقول لحد بصل…يقول لا طماطه
وخليتها كشنه وكله واحد يفقعون الامعاء
ان جلست بالبيت يقولون والله لو عنده عشرين طعش بزر<<يعني طفل:D ياحليل توضيحي 😳
وان طلعت قالوا ماتقر يالله الجوال يجيبه وين مكانه
ون دقوا وينك قلت بمشوار قالوا جحوده<<<هذي الكلمه بمثابة الطرطعان عندي يفجرني اشلاء 👿
وان جيتهم قالوا ماجابت معه ياكافي لو قهوته<<<ليش فاتحه كافي ع الطاير 😛
واذا لبست البلوزه مرتين قالوا يحول ماتلبس ماركات هذي اولا..وتغثن كلمة ماركه مدري ليش تجيني قشعريره
ثانيا ماعنده لبس
وام الزوج تقول ولدي مهب مقصر وراه ماتلبس<<<تعبت النفسيه
واذا رحت لزواج ولبست فستان قديم عندي بس حلو حرام اخليه وبكيف امي بلبسه ماله الا سنتين قالوا ويييي فشلتنا تقل ماعنده سوق
واذا لبست فستان من صديقتي اخذته وشايفينه بعض العائله ع صديقتي قالوا الحمد لله والشكر شحاذه 😆 🙄 ➡ 😆
واذا شافوا زوجي مالبس زين قالوا ماتعرف ترتبه<<<ليش مرايه انا كل يوم بصير عنده اذا لبس
واذا صار الرجل دعله حقنه<<حقنه يعني ما اقدر عليه ههههههه ابوك يالترجمه
مايلبس على كيفي وش اسويله
اذا صار ولدي وصخ تكرمون لانه يقلص<<<يعني يطرش تكرمون ع خفيف لسه صغير قالوا ماتلبسه زين ليش يبونن اجيب الدولاب معي مثلا؟؟؟؟؟
هذي اختصارات او موجز من اخبار كل وحده فينا ماتسلم من احد
وبالاخير اقول طنشي العالم والله مايرتاح الواحد لحد ماينزلونه قبره
اعملي مايرضي الرحمن ورسوله صلى الله عليه وسلم ماراح تندمي طول عمرك
ومن راقب الناس مات هما
من تأليف مخيخي المصون لاني اعيش معاناة هالمواقف وزهقانه منها بس الحمد لله مقتنعه باللي قسمة الله لي وراضيه فيه بس الناس تشقى لحد ماتموت
وان حبك الله حبك خلق الله<<<مقولة جدتي الله يخليها
وسلام لاحلى فراشات
