عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مساء الخير عليكم جميعا
اتمنى تقبلوني ضيفه خفيفه بينكم
ياجماعه انا حصل معاي موقف تفاجئت وانصدمت بحدوثه بيوم من الأيام شوشني من يومه الى الأن انا والدي رحمة الله عليه كان متزوج بثلاث زوجات وانا عندي اخت من ابويه كانت عايشه بمنطقه غير الي انا فيها حاليا هيا مع والدتها وانا مع والدتي المهم تزوجت والدة اختي من 3 سنوات واول ما عرف اخويه الكبير بزواجها طلب منها انوا تجي اختي تعيش معانا افضل من العيشه مع زوج الأم الحاصل جات اختي وعاشت معانا وقبل فتره تفاجئت منها لما عرفت انها سوت حركه ماتوقعتها منها بيوم من الأيام تفاجئت انها كلمت ولد عم امي واعرفه من انا صغيره وحتى سنه من سني بس هي ماكانت تعرفه ابدا الا لما جات عندنا
بالنسبه للولد هو عايش بأبها واحنا بجده طبعا لما قدم على الكليه جاء ودرس اول سنه عندنا وضل عايش معانا سنه كامله يسافر يزور اهله ويرجع عندنا للدراسه الى ان انهى السنه الأولى ورجع ابها كمل دراسته هناك وطبعا لما جات اختي عاشت معانا فجاء هو قبل سنتين يزورنا بجده شافته واخذت رقمه من جوال اخوي وكلمته من دون علم احد لما كلمته عرفهاللأسف انها اختنا وبالمكالمه تفاجئت انه اثنى علي ومدحني وابداء اعجابه بي وبشخصيتي واحترامي وقالها حاولي توصليلها هل الكلام وهي بالتالي قالت له حتى هيا معجبه بجمالك (مع اني ما كنت اتمنى انه يعرف ابدا ) لأنكم تعرفون نظرة الرجال بهالأمور
المهم انا الصراحه انبسطت لما سمعت انه معجب فيني (اقصد اكيد كل شخص يعرف انوا فيه احد معجب فيه رح ينبسط وهذا دليل على تمييزه) لكن انا مو عاجبني بالموضوع حركة اختي معاه انا خايفه يكون اخذ نظره سيئه عنا بسبب اختي لأنها حركه كبيره وخاصه انوا احنا سمعتنا عند الكل سليمه ومعروف عنا الأدب والأخلاق انا واخواني لكن بعد هذي الحركه اخاف تغيرت نظرته عنا
مدري ليش احس ان اختي غلطت غلطه ممكن احنا ندفع ثمنها وكل الي كان شايفه عنا يتغير من غير حول منا ولا قوه بعد حركة اختي معاه لأن الشر يعم والناس مالهم الا الظاهر
طيب انا ابغى اعرف انتوا بعد ماسمعتوا هالشيء وش قولكم رح تتغير نظرته عنا وممكن يشبهني باختي مع اني ابدا مو مثلها وحتى بمراهقتي ما عمري سويت شيء يخل بالأدب او يشوه السمعه ؟؟؟؟؟
عن Yellow Sea
شاهد أيضاً
يارب فرج هم كل من تدخل موضوعي ( هموم تتكاف من كل صوب )
السلام عليكم .. هذا اول موضوع احطه في هالقسم .. بس تاكدو اني على طول …