حركة حلوة للمخطوبات راح تبعد عنك كتييير من المشاكل بالمستقبل ( ساعدوهم يامتزوجات)

نخششش في الموضوع
هدي الحركة من زمااااااااااان كنت افكر ادخل واكتبها
من يوم ماشفت انها جابت نتيجه
انا ليا 3 سنوات متزوجه وعندي بنوته والله يخليها ليا يارب .. ويخليلي زوجي يارب

ايام الملكة اقترح عليا زوجي العزيز حاجه بصراحه انا بقلبي الين دحين اشكره عليها
لانها ماخطرت على بالي ابببببببببببدا
طبعا كنا نتراسل على الايميل
زوجي العزيز الله لا يحرمني منه قالي ابغاكي ترسليلي رساله عالايميل قوليلي فيها كل شي ماتحبيه ويضايقك وانا ارسلك
بالبدايه ماعرفت ايش اكتب وقعد افكر وافكر ❗

كتبتله اني اكره الحرمه اللي تستاذن من زوجها على كل شي حتى الاشياء التافهه<< فاضييلهم احنا 😆
يعني متلا تدي وحده غرض من عندها او شي لازم اذن منه !!!!!:(
يعني الحرمه لو ماكان لها قرارها ورأيها باغراضها بايش راح يكون ؟؟؟؟؟؟
المهم انه الزوج له حقوقه باني استاذن منه بمشوار او طلعه من البيت او اي شي تاني من حقوقه
غير اني ادي وحده شي او اشتري شي او ابيع شي من عندي
هدي خصوصيات

ولازم تبينيله انه احترام الخصوصيه ضروري بينكم

وكتبت اشياء تانيه لو اتذكرتها راح اكتبها ان شاء الله
لكن اللي اطلبه من المتزوجات انهم يكتبو اشياء يعانو منها بازواجهم
زي متلا انه مايخرجها الا وييين وييييييييين
اكتبيله انه كل وحده تحتاج انها تغير جو وتريح مخها شويه من شغل البيت
لاني اوقات اتنرفز من زوجي وليتني كتبتها له بالرساله هههههههههه
داك اليوم طلبته نطلع مشوار مع العلم اني بمكان بعيد عن اهلي وماليا احد اروحله او اجيه ودحين فترة برد يعني مااطلع عشان بنوتتي
المهم هوا له كم يوم يطلع بأشغال وتعب منها واخر الاسبوع انا مره زهقت لمن قلتله نطلع قالي والله انك فاااااااااااضيه
وربي اني تضايق مرررررررررررررره 👿 لانه ليا اكتر من اسبوعين ماخرجت بس عالمستشفى
بس خرجني الحمدلله 😳

يعني اغلب الاوقات مايحسون باهتمام من دي الناحيه انه يخرجكي ويمشيكي وكانه مو لازم تنبسطي اهم شي اقعدي وسوي واشتغلي
لانه الشغل والروتين يجيب المرض تحسي كانك بدوامك
حوسه > شغل > حوسه > شغل ➡
لدرجه من الطفش اوقات ماعاد اشتغل خلاص اتكاااسل احس انه كل شي بيرجع زي ماكاااان والطفش والملل ماراح

وكمان في حاجه مررررررره حساسه
انصحكم نصيييييييييييحه وماراح تندمو عليها لو سويتووها ولا تقولو عيب ولا تخجلين
والله العضيم راح تندمو لو ماقلتوها بكل صراحه

بما انكم ماتعرفو بعض الا بتليفونات وزيارات
يعني ما عشتو مع بعض
محد يدري عن اسلوب التاني ولا نضافته الشخصيه ولا شي من هدا النوع
اكيد لمن يجيكي حيكون متروش ومتعطر

لكن حريم كتير اقرأ مشاكلهم انه ازواجهم مايهتمون بنضافتهم الشخصيه
يعني لا يحلقو لا هدا ولا هداااك على قولة وحده
والله كتيييير قرأت
واللي ما يتروش الا ويين ويييين
او ما يغير ملابسه
لا تستهونو بالموضوع والله لو قرأتو كيف صحبت الموضوع كاتبه انها كارهه زوجها من هدي الاشياء راح تحسو وقتها بقيمتها

اكتبيلو احنا لسا ماعشنا مع بعض ولا عرفنا طباع بعض بس من غير زعل انا اسمع كتير من الحريم انه الرجال ما يهتمو بنظافتهم الشخصية ولا يحترم مشاعر زوجته
او جيبيها باسلوبك
بينيله انه النظافه الشخصيه مهمه
قوليله ما اضن الرجال راح يتقبل حرمته لو ماتتنضف وتتعطر وتغير ملابسها
لكن كتير من الرجال يهملو هدا الموضوع
اكتبيله متلا انا متاكده منت منهم بس حيبت اوضحلك اللي يضايقني

واخيرا

لا تنسون انه لمن تقترحو عليهم هدي الفكره توضحولهم انه مافي زعل من اي شي راح ينكتب وانه احنا لسا مانعرف بعض يعني اي كلام ماراح يكون مقصود هوا مجرد انك كاتبه اللي ماتتمنينه يكون بحياتك وبس

واطلب كل المتزوجات يشاركونا مشاكلهم او عيوب في حياتهم
عشان عرايسنا الحلوين تكون حياتهم احلىىى 😛
ولي عوده ان شاء الله

بس نصيحه لكل وحده حابه تنفذ الفكرة
لا تستعجل وتكتب الرساله .. اقترحي عليه دحين لكن اصبري الين ماتعرفي كل شي راح تكتبينه
استني الردود والاقتراحات ومشاكل المتزوجات وصدقوني والللللللللللللللله ماراح تندمو
دحين حيكون مجرد كلام ينكتب
بس بعد الزواج حافضي على الاحترام بينكم وراح تلاقين زوجك يبعد عن كل اللي يضايقك
و لا سمح الله سوا شي منهم وتضايقتي
اسكتي وقتها
وبوقت تاني بكل هدوء قوليله احنا اتفقنا واتمنى انك مانسيت الاتفاق
وانا بعدت عن كل شي يضايقك وكنت متوقعه منك نفس الشي اتمنى ماتكررها

والله اسلوبك الحلو راح يخليها فباله وماراح ينساها

ولو مانفع معاه الاسلوب معاه اطبعيها واقرأيها عليه بصوت عالي 😆 🙂 هههههههههههههههههه امزح<< برى 🙁
والمهم انك حتريحي بالك من مشاكل كتيييييييييييير انتي بغنى عنها

والاهم انك راح تتفاجئي باشياء كتيرة راح يكتبها لكي ماكنتي حتتوقعي انها فبال الرجال ➡

واللي ماعندهم نت عادي اكتبو رسايل باليد 😎
واللي خطها مو حلو ههههههههههههههههههه تطبعها بالكمبيوتر
زي اختي زمان متفشله من خطها قامت ارسلتها لاختي المتزوجه عشان كان عندها كمبيوتر وطبعتها لها
بس كانت رسالة حب مو شروط ههههههههههههههه

ولو ماتقدري توصلينها له ممكن تكتبيها بورقه وعالتليفون تقولينها عشان ماتنسينهم 👿 << تخيلت انه وحده تقراهم زي هدا كانه خطاب هههههههههههههههههههههههههههههههههه