عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم…
إخواني الأعزاء أعضاء المنتدي ….
أرحب بالجميع….
أنا هأدخل على طول في الموضوع ….للأهمية وأعصابي هتفلت ..
أنا لدي مشكلة بسيطة في جهازي …وأتمنى ألاقي الحل عندكم بسرعة لأني متعطلة في حاجات كتيرة …
المشكلة ….إنو عندي في بعض الحروف إللي في الكيبورد عند الضغط عليها تطلعلي أرقام وليس حروف …
مثل حرف العين ….يطلع 4 …
وحرف الميم …..يطلع 3 …وهكزا …
وأنا لا أعلم كيفية إصلاح الخراب هادا ..
لكن إللي أعلمه إنو أنا في جهازي وهو لاب توب …عندي زر مرسوم عليه مربع… وفي وسطه رمز fn…
وفي الاستعمال الطبيعي لأحرف الكيبورد ..عند الضغط على هادا الزر وفي نفس الوقت نضغط على حرف الميم يطلع 3 …
عارفين كيف ..زي عمل الشفت تقريبا …
أما عندي الآن انعكس الوضع……فعند استعمال زر fn ..مع حرف مسلا الميم يطلع حرف الميم ( م )…!!
وعند الضغط على حرف الميم في الكيبورد يطلع 4 …!! من غير الضغط على fn ….
طيب إيش أسوي ؟؟ يعني مو معقول طول أنا ما أكتب أكون ضاغطة على زر fn بيد ..واليد التانية لحالها تكتب …؟؟؟ وضع مأساوي والله …
وعلى فكرة أنا من زمان على دي الحالة …يعني بلكن كم أسبوع كده….ومتكاسلة أشوف حل في الحكاية ديه…..!!!!
فما أدري دحين كيف أحل المشكلة هادي …إللي عندو حل ينقذني بالله عليكم من المعاناة العويصة الله لا يكتبها لأحد …مشكوررررين أخواني مقدما على الزيارة …وجزاكم الله ألف خير….
