حسبي الله ونعم الوكيل (شورو علي

عسى ربي يجمعكم في الفردوس الأعلى ..

والله لمن شفت تعاونكم مع الاخوات دعيت لكم من قلب ..

وأتمنى اتساعدوني وتشورون علي وتدعون لي بعد ..

بقولكم قصتي بالتفصيل .. وياريت تتحملوني بجد راسي بينفجر من التفكير 😆 idea:

ياحبايبي أنا على قدر من الجمال الحمدلله وكل الصفات الحلوة فيني ولله الحمد وطبعاً ماتقدم لي أحد ابدا

المهم أختي اللي اصغر مني طبعاً مو شقيقتي الله يسعدها تملكت قبلي طبعاً هيا عايشه معنا وبالعكس هالشي أسعدني وما أثر فيني ابدا ..

لكن تفجأت بأمر ماعرفته إلا لمن شافتني وحده بالملكة وكلت اختي وقالت اختك لو تقدم لها احد ترضى تتزوج ..

قالت لها اختي وليش ماترضى مدام رجال طيب ويخاف الله فيها ليش .. ردت الحرمة على اختي

وقالت والله انا جبت لها كثير وسألت ناس وقالو لي أن اختك ترد الخطاب عشان أمها طبعا انا وحيدة امي الان بالبيت بس مو معناته ماتبغاني اتزوج بالعكس هيا تتمنى ليا الخير .. قالت كمان امها ماترضى انها تفارقها 😀 شوفو كيف الكلام هادا من سنوات وأنا موداريه عن الدنيا

وأقول ياربي ليش مااحد يتقدم لي واحيانا يصير تلميح ومايرجعون حسيت بقر بس قلت اكيد قدر الحمدلله

المهم طبعا اللي قالت هادا الكلام خالة اختي اللي مو شقيقتي .. 😎

جا ببالي قلت طيب ليش يقولو عني هدا الكلام حسبي الله ونعم الوكيل .. والله مقهورة قهر

وازيدكم من الشعر بيت بيوم العيد الصباح كنت جالسه مع حرمة اخويا تخيلو تقولي .. صراحة الناس يتكلفو بافراحهم ومايخافو من عين البنات اللي ماتزوجو واختي اللي مملكة كانت جالسه ( مو شقيقتي )
انا سكت ورجعت قلت لها حبيبتي اهم حاجة انو انا انبسط وهما بكيفهم يتكلفو ياكلو على راسهم
اما على العين ماحد بيضر احد من كيفه الا اللي ربي كتبه

متضايقه والله من كلامهم وعلى الكلام اللي طلعوه عليا …

حسبي الله ونعم الوكيل والله من رمضان وانا افكر