حسكم عينكم تشترون جوال باللمس او بلاك بيري !!!

.
.
السلام علاكم ..فراشاتي الفاضلات 😆 🙂
.
.
شي ما يقرقع في صدري بخصوص جوال اللمس ..مدري كل الناس مثلي ولا لأ
.
.
قدر الله علي وجاني جوال نوكيا باللمس هديه طبعاً ولا أنا أكره جوالات اللمس ..!
.
.
شطحه بعيده شوي ليش كل من أنخطبت وتملكت على طول العريس يلقط لها جوال !
.
.
كل بنات جماعتنا كذا صار الجوال عرف من الأعراف في علبة المهر 😀
.
.
الموهم وأصبح الجوال بيت يدي ولإني دائماً لا أعرف من أين تؤكل الكتف ماعرفت أشغل الجوال
.
.
إلا من صدق الي يعرف من أين تؤكل الكتف يعلمني ..
.
.
بس حاولت جاهدة ..لين جا ولد أختِ الصغيرونادى كل الأطفال وأخذ الجوال وبلمسه سحريه قب تشغل الجوال ..
.
.
وأنا ياغافلين لكم الله قمت أخذت الجوال وأنا متفشله هذا كبري ولا عرفت أشغله وفي محاوله مني لحفظ ماء الوجه سويت نفسي أعرف الباقي ..طيب هالحين بدخل للأدوات وأنا أحوس وكل البزران يناظرون فيني أوم التوهيقه ههههههههه
.
.
وأنا مسويه أعرف وأدور على أزارير شي ينضغط لين جاني الضغط
.
.
شوي إلا وتجيني رساله موقف لا أحسد عليه ولا أبغض خخخخخ
.
.
ولد أختي لازال يناظر فيني بمكرقلت له يحلفون إن هالجوال باللمس موبالنظر إنت ووجهك يابو نظرات قاتله ..
هه خذ وهنا تأكد بإني عجزت وأنا أستسلمت بصراحه مع إني مقاتله شرسه
.
.
ومدري وش سوى وافتح الرساله …
.
.
وصارت لي مواقف عديده مع هالجوال الي مايتسماش كل شوي أتصل على عبد الإله أسأله وش أسوي ..يعني أضغط على نعم يتقفل الجوال ..أضغط على لأ يتشغل ..
أجي له يمين يجي لي يسار أجي له يسار يجي لي يمين ..وبعدين مع هالراس !
.
.
وعبد الإله يقول هذا الجوال أبطر جوال شفته بحياتي حتى أبطر من البلاك بيري خطير ..خطير
.
.
قله له ليه لإنه باللمس ..قال : ياخاله اللمس لغه إنتِ ماتدرين ..!
.
.
قلت له : اللمس لغه ..مو جوال ..
.
.
.
.
وإذا جيت أكلم أحطه على خدي وتصدقون خدي يضغط على إنهاء المكالمه
.
.
جاتني حاله نفسيه وسبب لي قلق وصرت ما أطلع من البيت وكرهت العالم وتفشلت كم مره بسببه ورحت عند دكتور نفسيه
.
.

صبرت نعم صبرت عليه لكن مابه عبايه ..قليل خاتمه هو ووجهه
.
.
وأخيراً أستسلمت وقلت مالي إلا إني أعطيه عبد الإله هدية مامن وراها جزيه ..لعل هالحاله تروح وربي يسهل الإمور ..
.
.
.
وبالفعل يوم صدقت هالجوال لعبودي أرتحت نفسياً ورجعت لجوالي أبو أزارير يوه تحس إن الدنيا رجعت تضحك لك ..إ.. تضغط تحس إنك صدق دقيت على فلان وعلنتان مو لعب ولمس وكلام فاضي
.
.
ومدري ليه جاتني هذيك الحاله يوم كان عندي هذاك الجوال يمكن لإنه باللمس ولا يمكنها عين عبد الإله
.
.
.
إنتهى ..
.
.
.
نوكيا إنتهى ..وبنبدأ الحين في موضوع البلاك بيري
.
.
.
من جد عندي ملاحظه على كل شخص يقتني البلاك بيري ..
.
.
يعني يمكن هو مايشوف نفسه بس الآخرين يلاحظون هالشي !
.
.
سلامات بلاك بيري هو لا بلاك ليبل
.
.
.

رحت المطار وكل واحد معاه بلاك بيري إن كان عتق الجوال طوال الوقت وهو ماسك الجوال ويضغط ويرسل ومتحمس !
.
.
تشعر بإنه في عالم آخر ..مجنون !
.
.
وفيه شلة بنات كلهم معاهم بلاك بيري وكل وحده تطقطق في جوالها بحماس ..
حتى كلام مع بعض ماتكلمو مافيه وسيلة إتصال بينهم وهم خوات ..بس كل وحده مشغوله بهالصنم !
.
.
الله لا يشغلنا إلا بطاعته ..
.
.
ونادو على الرحله وأي واحد معاه بلاك بيري لازال قاعد ! كانت الرحله بتفوت عليهم ..!
.
.

ركبنا الطياره وغصب عنهم صكرو جوالاتهم وسوى حفل تأبين لتوديع البلاك بيري
.
.
وأول ما وصلنا وقبل إشارة فتح حزام الإمان والبنات فتحو جوالاتهم بطريقه مرضيه عجيبه ودنقوا على الشاشه وبدو يطقطقون وأشكالهم تضحك !
.
.
يعني كأنهم ناس غير طبيعيين فيهم ذهان إنفصام ..!راحت كل الهيبه والسكبه والشياكه ياحسافه
.
.
يعني ثلاثة أرباع الصبايا والشباب السعوديين من أعمار الطعش ومافوق بشوي في الطياره عندهم بلاك بيري وواحد شايب قاط مسوي فيها شباب بعد عنده بلاك بيري
<<– ماعنده بلاك بيري وفاضيه أراقب هالمهبل !
والله ثم والله لو صورتهم كان حسيتو بنفس إحساسي ..أشكلهم تموت ضحك ! 😈
.
يوم وصلنا الى هذيك المدينه الساحره بدا شكل الشباب السعودي وهو يستخدم البلاك بيري غير جيد
.
.
كأنهم أول مره في حياتهم يشوفون جوال !
.
.
لإنه سكان هالدوله أصلاً مايعرفون وش هو البلاك بيري !<<—- حسيت إن هالدوله في المريخ
وفي مطار الدوله الثانيه ( مارح أقول إسمها عناد خخخ )
أي واحد معاه جوال ومدنق عليه ومشغول وخارج عن الوعي
.
.
أعرف إنه سعودي أو يمكن خليجي
.
.
.
.
.
.
الزبده
.
.
لازم تؤمن بالتخصص الجوال للمكالمات فقط ..أما النت فعندك الاب توب والدسك توب ..والنت مو في كل مكان يعني مارح تموتون ..!
.
.
بالنسبه للمس فأنا أنصح كبار السن والفطاحله والهروش بإنهم لا يفكرون مجرد تفكير بجوال باللمس لإنهم بذلك قد تسببو لإنفسهم بالإلزهايمر مبكر
وضغط وسكر وحرب عصابات

.
.
قفله
.
.
مافيه مثل جوالات أول الفيصليه والعنيد والرهيب والله ثم والله للآن تشتغل ..
.
.

^^^
هاالأبيات إهداء من بنت لجوالها البلاك بيري يوم ما أخذته أمها وباعته بعد ما أكتشفت بإن هالجوال خسف بعلامات البنت وجاب فيها العيد وكان سيودي بعقل بنتها
.
.
.
.
.
.
.
أخيراً أكتشفت إكتشاف وبسجله في موسوعة مناحي قصدي جينيس بإن البلاك بيري من أنواع المخدرات والمسكرات لإن كل مايذهب العقل مسكر والبلاك بيري يذهب العقل والفكر والوعي بعد <<—— لا عاد تكتشفين شي خخخخخخخخخخخخخخ
.
.
.
.
.