عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة ..
أخباركم يا كروشات ؟؟ :02: ؟؟ أشتقت لكم كثيييير .. بس ما شتقت للكرشة خخخخخخ ..
أدري أختي قالت لكم أني ولدت .. >>>> مسكينة كانت تنتظر على جمر عشان أولد … ..
زين يا بنات .. تدرون أنا قلت لكم قالوا لي بولد طبييعي إن شاء الله .. لكن قدر الله وما شاء فعل .. وولدت قيصرية :042: .. ترى والله عذاب القيصرية الثانية على الأولى !!! ..
زين أدري تبغون التفاصيل .. :061: ..
كان ياما كان .. في يوم الخميس الماضي .. كنا في بيت أهلي أنا وأختي نتغدى هناك .. وبعد الغدا والشاي .. لبسنا العيال وطلعنا رحنا لوحده من جيران بيت أهلي كانت والد وبقيصرية الله يعينها مسكينة ..
واحنا هناك كان أمي تقول أن وحده من خالتي بتجي لهم اليوم في البيت .. فقلت عجل خلاص ما برجع بيتي قبل لا أجلس يم خالتي شوي ..
وجات خالتي .. وأول ما شافتني .. قالت لي .. شكلش موصلة خلاص .. بتولدين اليوم لو بكرة >>> خخخخخ ما شاء الله عليها صادتها ..
…..
طبعا .. بعد العشا .. كلمت أختي أشوف زوجها موجود عشان يرجعي البيت .. قالت لا طالع الخبر توه من شوي ..
ففقلت خلاص عجل .. بظل في بيت أهلي .. طبعا لأني سبحان الله حسيت أني بولد خلاص .. :0149: ..
بدأ أول ألم يجيني على 9 ونص .. الخميس المسا ..
لكن صبرت عليه وقلت ما باروح مكان إلا لما يشتد .. >> ما شاء الله علي .. شجاعة خخخ .. :028: ..
زين .. زين .. وين وصلت ..:0148: .. أيه صح …
دقيت على أختي :0147: وقلت لها لا تقفلون جولاتكم الليلة .. قالت زين ..
طبعا هذا كله وأمي ما درت خخخ .. ما حبيت أخوفها .. :0149: ..
زين .. بدأ الطلق يحمى على الساعة 4 ونص .. الفجر الجمعة ..
ومسكين ولدي .. جلس من النوم على صوت ونيني .. رجعت نومته .. وقمت طلعت من الغرفة عشان لا يصحى مره ثانية ..
شوي شوي ويزيد الألم .. طبعا على الساعة 9 أمي عصبت فيني .. أن لازم أروح المستشفى .. وأنا لسه مقاومة .. ولا ما أبي أروح مكان .. :042: ..
على الساعة 10 قررت خلاص أروح ودقيت على أختي وأنا أبكي وأقول لها خلاص تعالوا ودوني المستشفى .. وعلى ماجوني ورحنا أسطون ..
طبعا في الطوارئ .. قالوا فاتح 1 ونص .. بس !!! .. كل هالألم وبس واحد ونص ؟؟
طلعوني فوق .. وجات دكتورة عزة .. وقاست 2 .. شوي 3 .. ليما 5 .. خلال كم ؟؟ نص ساعة بس !!!
.. لكن شوي وقف الطلق .. وبدأ ألم في الجرح .. دقت على دكتورة سناء وقالت لها لازم عملية عشان لا ينفجر الرحم ..
أنا خفت وقلت يالله اللي تقولونه ..
وأنا في غرفة العمليات .. قمت أبكي .. وقلت خلاص لا تولدوني والله من الرعبة .. ما أبي قيصرية ..
زين .. وما أوتعيت إلا في الإنعاش .. !!! وأنا أصحى من النوم كنت أقول وين البيبي .. وين البيبي ؟؟
قالوا لي مبروووووووووووووك مداااااااااااااااااام .. ولد ..
أنا أقول الحمد لله رب العالمين في قلبي .. لكن شوي . وأحس بألم في الجرح ..
.. زي ألحين .. بس شوي أقوى … :042: .. أكمل لكم كامل التفاصيل بعدين .. لأني تعبت شوي ..
تحياتي ..
