عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصيدتي وليدة اليوم
فرحت كثير بشوفتها متجسدة على الورق..لآنها ازالت عن نفسي
متاعب أسبوع كامل كان متخم بالضيق والأسى
على عكس مايجب أن يكون عليه!!
بما إنه أسبوع إجازة
انا سعيدة فيها كمان لآنها رجعتني لعالم الشعر بعد إنقطاع
مايقاااارب الخمس سنوات
:
….
حظ من عنده خوي يحطه علـى يمنـاه
إلى من ضاق صدره ..جنبـه يلاقيـه
يتفيا بضحكتـه ويجـي علـى مايبغـاه
ويضمـه عـن قهـْر الزمـن لا يبكيّـه
بدون مايحكي ولايشكـي او ينطـق آه
يترجم عيونه ويفسـر كامـل معانيـه
إن قابلـه يضحـك..زاد مـن سلـواه
حتى لو همومه فـوق راسـه تغطيـه
وإن حس صوبه خيانات البشر تنصـاه
كان صدره لـه درع مـن الوفايحميـه
ودك بمثله بس صعب ويـن تلقـاه..؟
وكل من حولك ضاع بين همه وأمانيـه
بس المصيبة والكارثة..ياويـل ويـلاه
لو جاك كل هذا ..مـن إللـي ماتدانيـه
أجل وين اللي تحبه وإللي شريت رضاه
دام إللي كرهته جـاك وقـال لبيـه؟!
//
/
أتمنى أن تكون قد راااقت لكم
