عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مسآء ../ صبآآح الجوـوري.. 
حبايب قلبي انا من اكثر متابعي هالمنتدى 
بس حديثه التسجيل فيه بكيت معكم آآيام وفرحت لجلكم مرات واستفدت من تجآآربكم كثير,,
بس حديثه التسجيل فيه بكيت معكم آآيام وفرحت لجلكم مرات واستفدت من تجآآربكم كثير,,
فحبيت اشآآركم بحكآآيتي من الاجهاض ودعواتكم لي ان الله لا يكرر لي ولكم هالتجربه 
انا متزوجه لي 7 شهور ومن اول شهر حملت والحمد لله وفرحت حييييل وكل اللي حولي فرحولي
وتقريبا حملي كان ببدايه شهر 7 وكان وضعي كله تمام وقبل رمضان بيوم قال زوجي نبي نكشف ونطمن عليك عشان برمضان مانلتزم بمواعيد وفعلا رحت وتطمنت على وضع الجنين مره كويس بس كان عندي فقر دم بمعدل 7 قال الدكتور لمن تدخلي الرابع نبدا نعطيك الفيتمينات هذا الشي الوحيد اللي اشتكي منه
ودخل رمضان ويوم 4 من رمضان نزل معي دم دفعه واحدة با اقل من دقيقه ووقف الدم رحت المستشفى اللي اراجع فيه <الاطباء المتحدون > وحولوني اشعه في البدايه قالت نبض الجنين ضعيف بعدين قالت مافيه نبض
ويالله الان نسويلك عمليه تنظيف ووو الخ انا طلعت برى المستشفى كله قلت يمكن غلطآآنين لا اكيد ورجعت بيتي وانا منهارة وكلمت امي وقالت لا تستعجلي وتسوين عمليه المفترض يعطونك اول حبه طلق وبعد كم يوم يسوى لك العمليه وقررت اروح للمستشفى العسكري اتااكد وفعلا رحت طواري وكشفت علي قالت لي انه مافي نبض ولكن عمره طبيعي12 اسبوع انا ماراح استعاجل راح اسويلك موعد اشعه بعد يومين وهم يقرروا راح اعطيك فرصه تطمنت شوي بس قالت ماراح تطلعي من المستشفى لين نتطمن على تحاليلك وفعلا انتظرتها لمدة ساعتين وبعدها المستشفى كله انقلب علي واسمع الدكتورة المناوبه تقول حاله مستعجله لازم الاستشاري وقعدت معي ساعتين زياده عن دوامها لين جات دكتورة ثانيه وسلمتها اوراقي بنفسها بالعاده يعتمدون على السسترات والدكتورة الثانيه اسمعها تقول مصيبه مصيبه ليش ممادري 
وانا جالسه مفجوعه داوم الاستشاري قال تنويم على طول والمشكله مافي سرير قال حطوها بكشك الولاده لين تفضولها سرير وفعلا طلعوني بعربيه للكشك اقولهم طيبه ابي امشي يقولون لا السسترات تبين تفصلينا انتي تعبان انا تعالوا شوفيني قلت يناس وش فيني تكفون قولوا فيني شي وقمت اصارخ وابكي وربي انفجعت وصارت الدكتورة تحضني تقول حنا بس بنطمن عليك زياده وانتي مافيك الا الخير 
وحولوني بعد 4 ساعات لغرفه عنايتها مكثفه ومعي سستر طول الوقت وهذا كله ولا ادري وش فيني وحولو لي كيسين دم على اساس عملية التنظيف اليوم الثاني اللي كان ودي اعرفه بسس وش فيني اذا طيبه ليش سوا ذا كله وانا رايحه للغرفه العمليات اليوم الثاني تجمعوا دكاترة النساء والولاده مع دكاترة الدم اقول وش فيني قال دكتور الدم عندك تسمم حمل وترى طبيعي يصير لي وحده بس قلت وشلون هو لي يوم او يومين متوفي محد جاوبني واهلي وزوجي مسموح لهم يجون بس وقت الزياره
ووقتهها مايكون فيه دوام لدكاترة
قعدت بالمستشفى 4 وكتبولي باليوم الرابع خروج وبعد اسبوع عندي موعد نساء وولاده مع الاستشاري وماكان موجود وكانت بالنيابه عنه الدكتورة اللي بالطواري قلت تكفين وش فيني
قالت عندك تجلط بالدم عالي لو تاخرتي يومين ممكن يسبب لك جلطه او حتى وفاة بعيد الشر وكانها بردت الحره فيني وكآن بعدها بيومن عندي موعد لدكتور الدم اقوله عندي تجلط يقول من قال انتي مافيك الا العافيه تحاليلك سليمه والله تعبت 😆 🙂
وانا اللحين حامل وتوني ب 5 اسابيع وحالتي النفسيه عدم خايفه يتكرر اللي حصلي قبل والواضح المستشفى العسكري يحدد الحاله بالضبط بعد كذا اجهاض مين مرت بنفس حالتي وش تنصحني فيه
واسفه طوووولت عليكم حيييل بس ودي تعيشون معي التجربه بحذافيرها 
والله يبعدكم عنكم كل مكروة يآآآرب
ويرزقني ويآآآكم الذريه الصالحه
تــحيتي 
