عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صبآح / مسآء الخير
اوكي ياحلوات وهذي بعد قصيده ثانيه كتبتها قبل فتره
ونزلتها هنا عشان اشوف رأيكم فيها ➡
المهم ماطول عليكم
<< حكــــم القـــــدر >>
القدر حكم علينا ياناس بالفراق
مالنا على حكم القدر اي حيله
اشهد اني حبيته من داخل الاعماق
واشهد اني مابلاقي مثله ولا حتى بديله
صار يمشي في عروقي وساكن داخل الخفاق
كيف بالله ابنسى منهو خلاني خليله
بذكراه اسلي خاطري كل ماضاق
وبطاريه احيى بعد ماكنت انا قتيله
كل كلامي عنه وربي ماهو نفاق
كل خصلة فيه اشهد انها خصله نبيله
لو وصفت وكتبت من طيب الاخلاق
ماوفيت..ولاحتى جزء من وصفي يجيله
في وجوده اشعر اني اعانق الفرحه عناق
صرت احس اني بقصة الف ليله وليله
لو هديته شعري وكل ما انكتب بالاوراق
ادري اني مقصره وادري اني بخيله
ابدع في خلقته سيد الملا الخلاق
قسم بالله انه غير كل جيلي وجيله
وينك..تعال كل مافيني يعلن الفراق
انا في حاجتك لاتخليني لهالدنيا ذليله
عفت من بعدك كل شي حلو المذاق
وصرت اعد الليالي اللي اصبحت بعدك قليله
طلبتك تذكرني كلما خاطرك راق
ولاتنسى ايامي وذكرياتي الجميله
ادعي ربي يامعبود ياقوي يارزاق
انه يزيل الكدر والهم من قلبك يزيله
وانه يصبر قلبي على قو الفراق
او يعجل في مماتي وبدعي في كل ليله
… وسلامتكم …
انتظر تعليقاتكم 😐
