عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شلونكم بنات عساكم بخير
حبيباتي حبيت افتح هالموضوع عشان نستفيد من تجارب بعض بخصوص تنظيف المنطقة
انا استخدمت الموس والحلاوة والشمع
وهذا الي لاحظته
الحلاوة
ايجابياتها
تعطي نعومة مو طبيعية
ومع ثالث استخدام الشعر يسير خفييييف مرة وناعم ما يضايق
يتأخر نمو الشعر وتقل الشعرات
تنظف المنطقة تنظيييف وتشيل كل الجلد الميت
مساوئها
تألم مووووت خصوصا اذا كنتي تستخدمي الموس قبل
ممكن تعلق وتذوب بالجلد وتفشلي بازالة الشعر
ابسط غلطة منك راح تألمك وتسحب الجلد بقوة ويرتخي لفترة
وهذا الي صار لي مرة من المرات 😐 ورجعت استخدم الموس والحمدلله رجع الجلد زي ما كان
ترهل الجلد
شرائح الشمع
ايجابياته
افضل من الحلاوة من نواحي
الألم اقل
سهل الاستخدام لأنه يجي بشرائح جاهزة والشمع يكون طبقة خفيفة
عكس الحلاوة الي لازم تفرديها وتوزعيها بيدك
مستحيل يعلق بالجلد
تنظيفه سهل مجرد مسحة بمنديل به قليل من الزيت
مساوئه
اغلى من الحلاوة والموس
يرهل زي الحلاوة
جينا للموس 😥
ايجابياته
سهل وسريع
يبقي المنطقة مشدووودة زي البيبي
مساوئه الي يكرهونها البنات 
الشعر يسير قاسي زي الشوك 😈 ويضااااايق ويسبب حكة خصوصا بالمنطقة السفلية
يسبب جفاف واسوداد
ما ينظف تمام
وانا الى الان محتارة بصراحة مارسيت على بر كل مرة اغير بس الموس هو اكثر ما استخدمه لأني بخاف من الحلاوة او الشمع يرهل وانا توني صغيرة
بس يضايق وربي ما تحسين بانوثة مع هالشوك ولا براحة 
فكرت استخدم الآلة بس ما اقدر الا لمن يخف الشعر بالحلاوة لأن الآلة على شعر قاسي توجع موووووت
وانتم يابنات
وش تستخدمون وكيف طريقتكم
والي مرتاحين عالموس هل في طرق تخليه ناعم ومايضايق
ومجربات الحلاوة لسنوات طويلة هل فعلا لاحظتم ترهل
ولمن املك وش تنصحوني استخدم
انتظركم 😳
