عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته………….
ماشاء الله تبارك الله
اتمنى من المفسرات تفسير حلمي:
انا حلمت اني بالحرم المكي ومعاي اهلي وخاصة امي الله يحفظها و كان وقت الحج والحرم مو زحمه وكنا تحت بالصحن ورحت من جهة الحجر الاسود عشان نفسي اقبل(احب) الحجر الاسود ورحت ولقته فاضي ومرررره فرحت ورحت حبيت ومسحت يدي عشان اتأكد من الريحه الحلوه اللي تطلع من الحجر الاسود وفعلا طلعت وحبيت اكثر من مره وبعدين فيه نساء احس اني اعرفهم قلت تعالو حبو فاضي مررره وبدو يجون الناس وقبل كذا (اي قبل الاتجاه للحجر الاسود ) رحت انا وامي عند مكان جنب الكعبه مرره وجلسنا ندعي واذكر اني كنت ادعي لنفسي بالزوج الصالح(نفس دعوتي اللي ادعيها بالواقع) وسألتني حرمه ماعرفها جنبي انتي متزوجه فرديت بالاشاره بالنفي وكملت الدعاء وهذي كانت اهم تفاصيل الحلم……
اتذكر اني شفت المرشده الطلابيه اللي بالمدرسه تحاول تجلس النساء وترتبهم لأن بالواقع هذا هو شغلها بالمدرسه
الحاله الدينيه:عاديه اميل للألتزام
الحاله الاجتماعيه:عزباء
وقت الحلم الساعه احدعشر ونصف من يوم الجمعه وكنت بالليل متسننه ومدعيه ربي ومن ضمن دعائي الزوج الصالح وكنت بالليل مستخيره لواحد متقدم لي
الحاله قبل النوم: كنت افكر بواحد تقدم لخطبتي والأن انا قررت في هذه اللحظه ان لاأرتبط فيه طبعا بعد الاستخاره وادعووووولي ان ربي يعوضني خيراا منه
العمر 24
