عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
الله يعافيك الحلم هذا محلمته مرتين من اكثر من سنتين بس الى الان وانا اتذكره زي اول مره شفته فيها ..
الحلم هو اني كنت مع اختي و بنت عمتي في الشارع نلعب و ما كنا لابسين عبايات و شوي و جت بنت خالتي و هي تقول فلان دخل البيت هذا ( و كان البيت سوره ابيض و ما له ابواب و فيه من فوق اسود )
و لما دخلنا البيت كانت الحديقه حقته ميته و جلسنا نسقيها و بعدها طلع لنا و كنت انا لوحدي في زاويه و ناداني باسمي و قال لي وش جالسه تسوين هنا .. قلت له : شفت الحديقه ميته و قلت اسقيها
بعدين طلب مني الحقه و دخلت البيت من جوا وكان اول شي غرفه طويله فيها زي الكنبات او جلسه بيضا على طول الغرفه و الجهه الثانيه فيه بوفيه رخام و شدني فيه حلا نفس اللي كنا نسويه و بعدها ناداني لغرفه ثانيه و لما جيت بادخلها صحيت من النوم
و قبل الحلم ما كنت اعرف الا اشياء بسيطه و يعرفها كل اللي حولي عن هاذي العائله اما بعد الحلم فاصبحت اعرف كثير عن هاذي العائله و اذا بغى احد شي عن هاذي العائله جاني..
و احيانا تجيني ضيقه او ابكي فجاءه و بعدها بيوم اعرف ان هذا الشخص تعبان او فيه شي !!
وقت حدوث الحلم بالساعه : الليل في الصيف
الحاله الدينيه : عاديه
الحاله الاجتماعيه: عزباء
المهنه : طالبة مدرسه
حالتك قبل النوم : عاديه
اتمنى تفسير الحلم باسرع وقت 
😉
