عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عملت حلو سهل ولذيذ وهيعجب الأطفال اوى وخصوصا اللى ما بيحبوش الفاكهة
جيلى بطبقات الفاكهة
الفكرة سهلة اوى اننا نحضر جيلى بالطريقة العادية ونقطع بداخله قطع فاكهة ولما يجمد نقلب الطبق ويقدم
شوفتو السهوله ,,,,,,,,,,,, لكن لو عملتى كده الفاكهة بتعوم على وش الجيلى ولما تقلبى الطق او القالب بتكون مرقدة تحت ومش ظاهرة
عشان كده هنعمل ايه اننا نحط الجيلى على مراحل او طبقات كل شوية نحط شوية من الجيلى فى القالب ونحط شوية من قطع الفاكهة وندخله التلاجة ولما يجمد نحط شوية فاكهة وشوية جيلى كمان و,, وهكذا لحد ما الجيلى اللى عندك يخلص ولما يجمد نقلب القالب فى طبق تقديم
طبعا ما يتقلبش على طول عشان ما يتبهدلش لألألأ نحضر صينية بها مية سخنة ونحط القالب فيها لحظات واخدة بالك لحظات بسيطة عشان الجيلى الماسك فى جدران القالب يفك وبعدين نقلبه فى طبق التقديم
يارب يعجبكم انتو واطفالكم
