عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اشلونكم ان شاء الله بخير
بنات لايفوتكم هالسويت لذيذ فعلا ماعليه كلام شئ حلو في التقديم والطعم حلووو وخفيف
وينضبط من اول مره
ومقاديره سهله
شفته في موقع وسويته وعجب الكل وماتم ولا كاس منه وكنت ابي اصورهم كلهم لانه شكلهم حلوين بس مالحقت وزين مني صورت كاس بس
وهاي صورته
(((( ما في صووووورة))))
ما قدرت أنسخها
ادري الصوره كلش مب شئ حاولت اشيل اللي غير مرغوب فيه او اللي مابي اطلعه لاني صورته بسرعه وعندي نااس لووول
المقادير
بسكويت اولكر
علبه فواكه مشكله (او على حسب الكميه اللي بتسوينها )
4 قشطه
4دريم ويب
4 كريم كراميل
جيلي احمر (الكميه غير محدد على حسب الكاسات او على حسب اذا كنتي بتسوينه في بايركس واحد )
انا سويت بس 2 كيس جيلي
الطريقه
اول شئ تسوين الجيلي وحطيت شويه في كل كاس وتحطينه في الثلاجه لين مايستوي ويجمد
بعدين تسوين الكريمه من
(القشطه والدريم ويب وكريم كراميل وتخلطينهم بالخلاط الكهربي )
وتخلينه على جنب
وتجيبين البسكويت وتطحنين منه شوي وتحطين عليه شويه من ماي الفواكه المشكله
وخلاص عقب مابرزتي كلشي
ويكون الجيلي استوى
طلعي الكاسات
وحطي طبقه خفيفه من الكريمه وافرشيها على الجيلي وعقب حطي شويه بسكويت اللي مع ماي الفواكه وعقب حطي شويه من الفواكه المشكله وعقبها حطي الكريمه مره ثانيه بحيث تغطين الكاس كله
ورشي شويه بسكويت بودره
ودخليه الثلاجه لين وقت التقديم
واااااااو على الطعم لذيذ
وحلو
على فكره بنات انا سويت الجيلي الصبح وحطيته بالثلاجه لين العصر سويت الكريمه وباقي السويت
والكريمه تصلح لاكثر من 12 كاس
جربوه وعطوني رايكم
////////////
طبعاً أنا لطشت الموضوع من احد المنتديات لأن طريقة الحلى عجبتني
وسويته وطلع مرة طِعِم….
وصورته عشان ما تقولوا إني بكااااشة وما سويته
وأنصحكم انكم تسووه
7
7
7
7
7
7
7
7
والعآآآآآآآآآآآآآآآآآآآآآآآآآآآفية على قلوبكم
ست البنات
