عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم :
بداية دي تجربة شخصية مريت بيها مع ابني , كانت الإلتهابات الناتجة عن البامبرز ليل نهار مع اني كنت دايما أغير له بسرعة وأحط كريمات ولا في فايدة و تطور الموضوع وبأة التهابات فطرية و تسلخات جامدة و رحنا بيه للدكتور و يوصفله مراهم كلها كورتيزون و أحط له منها تخف يومين وترجع زي الأول واكتر 🙁
بجد لحظات الغيار بقت عذااااب الولد بيصرخ من الألم و أنا مش عارفة اعمل حاجة وكرهت مراهم الكورتيزون المقرفه دي ….
وبعدين كانت حماتي قالتلي من فترة اني احط لابني وانا بغيرله نشا ( اللي هو بتسموه هنا الكورن فلاور ) و طبعا معملتش كدة , قلت في بالي نشا اية اللي ححطه للولد ده هو ناقص ؟؟؟!!!
بس من يأسي بجد جبت شوية نشا و مزجتهم مع الكريم بتاع ابني (سودو كريم ) و بقيت ادهنله بيه عند كل غيار زي بوردة التلك كدة …
والله والله العظيم قسم اتحاسب عليه انه الحمد لله اتحسن كتيييييير و ابتدت الالتهابات تروح الحمد لله والشكر لله , سبحان الله الستات الكبار تلعوا يفهموا احسن مننا بكتييير في الحاجات دي .
عشان كدة حبيت أقول المعلومة دي لكل ام ممكن تكون عانت وبتعاني زييي ,جربي مش حتخسري حاجة مرة أو مرتين لو ملاقتيش تحسن خلاص …..
و مش عايزة غير تدعولي ربنا يبارك لي في ابني و يهديني و زوجي ياااارب و نساء المسلمين 😉
