حماتي وأخت زوجي النذله

أخواتي العزيزات بطرح مشكلتي اللي مكدره خاطري من فتره , وأن شاء الله ألقى الردود الزينه
خطبت لأخوي الكبير والوحيد حماتي -أخت زوجي-طبعا بعد المشاكل اللي كانت بيني وبينها هي وأمها لكن كبرت في السن ولا أحد خطبها وأنا جالسه ادور لخوي على عروس قام زوجي يحن علي أخطبي له أختي قلت مستحيل جلس يحن علي فتره ويزعل اذا قلت لا يقول والله أهلي بيصيرون يموتون فيك ويحبونك كنت معارضه وبشدة قال أنتي أنسانه حقودة ومن ذا الكلام في الأخير قدر الله أنه يتزوجها قلت بتتعدل معي طلع العكس الا زاد الطين بله وزاد كرهها لي بعد فتره من زواجهم غلط أبوها علي بالكلام ألي هو أبو زوجي -للعلم مشاكله كثيره مع عياله -لكن أنا الوحيده ألي ساكن معي وطلع حرته فيني الله لا يسامحه جت بنته تتكلم وترفع صوتها على زوجي تقول أنت عاق وزوجتك ما وقفتها عند حدها تتكلم على أبوي ويعلم ربي ما رديت عليه المهم قلت بتفاهم معها هي ليش تقول كذا ويعلم ربي اني قصدي بشرح لها وش صار عشان تفهم يمكن فاهمه غلط طلعت قليلة أدب بكل ماتعنيه الكلمه رفعت صوتها وصارت تخبط تركتها ومشيت مارديت أنصدمت قلت بتحترمني عشان أخوي المهم جلست حاقده عليها فتره ونفسي اني رديت عليها لكن سافرت بعدها بيوم شفتها بعد سنه جالسه تتلزق بحريم خوانها وتكلمهم عشان تغيضني طبعا أنا من جد مقهوره منها ومن سلفاتي دايم يقولون بغيتهم عون طلعوا فرعون تستاهلين- ألي هي أنا -لأنهم يعرفون أني ماأطيقها ولا هي تطيقني من أول لكن بعدين أكذب عليهم أقول صرنا حبايب عشان الشماته المهم جاء العيد راحت سلمت على زوجات خوانها كلهم الا أنا ماجت ولا سلمت وأنا كل شوي أسوي مشكله مع زوجي أقوله شف أختك وهو ينقهر يقول خلاص أنا ماني راضي عنها ولا تصرفاتها لكن وش تبيني أسوي ويصير مشكله بيني وبينه وانا أبي أبرد حرتي فيه هو لانها حتى مع أهلي جدا بايخه الله لا يوفقها يارب والله أني باستمرار أدعي عليها الله لا يوفقها
اتعكرت حياتي بسببها أقول أنا السبب وزوجي لانا أعطينا خوي وحدة مافيها خير ابد حتى مع أهلي متضايقين مره منها يقولون لاعبه بعقل الولد ومتغير علينا مايبي يجينا ولا نجيه حتى خواتي ما تسأل في أحد ولا تجلس معاهم أذا جوها واذا صرنا متجمعين وعند أهلي ضيوف طلعت مع أخوها وزوجته عند أهل سلفتي عشان ماتجلس معنا بالله عادي تصرفاتها