عالم البنات النسائي كل ما يخص المرأة العربية من ازياء وجمال والحياة الزوجية والمطبخ
امبارح ماروحتش الشغل كنت عيانة اهئ اهئ اهئ نزلة برد مع ضياع الاحبال الصوتيه اوووووعى
😛
فكرت بقى اعمل حلة حمص اشرب منها كل شوية اهي دافية وبنحط فيها ليمون وتمشي مع البرد 
أول حاجة جبت حمص الشام ونقعته في ميه لمدة نص يوم او على الاقل ساعة أنا استخدمت حمص بلدي لكن لو حمص افرنجي اعمليه في ساعتها عادي
بعد مدة النقع بحطه على البوتجاز يغلي غلوة وبحط معاه بصله وثوم (الثوم مقطع شرائح وليس مفروم) وساعات بحط جزر شرائح بيبقى طعمه حلو اوي الجزر مع الحمص
احضر عصير طماطم بص اصفيه على الحمص عن طريق مصفاه لتجنب قشر الطماطم (التفل) او ممكن تبقي تقشري الطماطم الأول زي ما تحبي وبحط ملعقة صلصة كمان
اغطيها واسيبها لحد مالحمص يستوي مابتاخدش اكثر من ربع ساعة وده شكلها
بتقدميه في أكواب أو مجات بتعصري عليه ليمونة مع نقطتين خل ورشة شطة ووااااااااااااااااووووو (متنسوش تحطوا ملح وكمون معاه وهو بيستوي)
ودي لحنووووووون بقالي كتير مسألتش عليها عشان كنت عيانة
يارب يعجبكم وألف هنا يا بنانييييييييييت 
