حنا شعب متخلف جدا جدا جدا والا شرايكم ؟؟؟تعالوا شاركوني

اليابان ماهي مسلمه ولكنها امه نهضت وتطورت ولو تجيت تسأل اي احد عندنا ليه حنا كذا واليابان كذا جاب اعذار كثيره تافهه لا تمت للموضوع بصله
يمكن انهم تطورا لأنه عندهم مين يخدم هذا التطور
لكن حنا عندنا مين يقمع التطور بجميع اشكاله
ولا راح نتطور ابد طالما في قمع
وفي نفس الوقت شباب راقد ما يبي يقوم ويتحضر شوي
شباب برستيجه ما يسمح له ان يشتغل اي شغله علشان كذا حنا دايم دوم شعب مرفهه متخلف
اغلب الشباب ساقطين في الثانويه
واذا الكليه قبلتهم وتخرجوا بعد ست سنوات رقدوا في البيوت
يا زين الشباب اللي يكفون اهاليهم ويشتغلون بأي مكان شغله شريفه ونظيفه
ما يرقد ويقول يارب يقبلوني في الوظيفه الفلانيه
قال سبحانه وتعالى في الحديث القدسي:” من تقرب إليّ شبراً تقربت إليه ذراعاً ، ومن تقرّب إليّ ذراعاً تقربت إليه باعاً ومن أتاني يمشي أتيته هرولة”

وقال عز وجل في تتمة هذا الحديث القدسي “ولا يزال عبدي يتقرب إليّ بالنوافل حتى أحبه ، فإذا أحببته كنت سمعه الذي يسمع به وبصره الذي يبصر به”.. رواه البخاري

……………….
اليابان تطورت لأن شعبها يشتغل في كل المجالات ما يقول الشغله هذي عيب وهذي تشرف
واحد نعرفه اشتغل في معهد سيارات ياباني ويوم تخرج ترك تخصصه وراح اشتغل عسكري هههههههههههه
شباب ما يبي يوقف ويتعب لين الله يرزقه يبي كل شي جاهز مجهز!!
……………………….
على العموم نرجع لمحور حديثنا ➡
خواطر هذي السنه بين لنا قمة تخلفنا للأسف
خلصنا من اليابان طالما ما يرضيكم
جاب لكم اللي اقل من صناعات وتطور اليابانيين بمراحل
وقارن المسلمين بالمسلمين
وياعيني على الفضايح اللي طلعت
معقول حنا ما نصنع شي
معقول ما عندنا سلاح اخترعناه بأنفسنا علشان اذا جانا عدو لا سمح الله نقدر ندافع عن انفسنا ؟؟!!
معقول ؟؟ طالعوا في ابسط شي عندنا في كل بيت نحتاجه روحوا شوفوا الافياش
كلها صناعه برا واغلبها نستورده من الصين
بدون الفيش شلون نشغل المكوى والغساله والمكنسه ياللعجب !!
الله يستر بس يارب استر علينا والله حنا ما نعرف شي وراح نورط من جد
مالنا الا انت يارب
…………..
بصراحه يوم قارنا باليابان جاني احباط شديد
ويوم قارنا هذي السنه بالمسلمين زاد احباطي زياده
كل العالم ماشي بتأسيس اسلامي ان كان في طب او سلاح او غيرها
وتركنا لهم كل شي علشان يطورونه حنا نتلقى فقط
كنا متطورين وكانت اوروبا هي المتخلفه وحنا فوق في كل شي
اللحين حالتنا يرثى لها !!

…………………………
برنامجه بصراحه يحث على التنافس اعجبني واحبطني في نفس الوقت
………………..
اقولكم ابسط شي
ما راح اتكلم عن موضوع الاختراعات علشان لا يجيكم احباط وتقفلون الاجهزه وينتهي مستقبل الفراشه هههههههههههههه
راح اتكلم لكم عن موضوع النظافه
ههههههههههه
ياعيني ياليلي
رحت الواجهه البحريه في الدمام
يابنات تخيلوا الواجهه مفروشه فرش فصفص مأكول بدال ما تشمين النسيم تشمين فصفص ههههههههههههه
الحمامات الله يكرمكم اللي على طريق السفر او المنتزهات وغيرها
الله يكرمكم والله العظيم ان كلمة عفن وقرف ما تجي جنبها حتى حسبي الله ونعم الوكيل
حتى المساجد النسائيه ما سلمت دخلت المسجد اصلي على طريف مكه الطايف لقيت فيه سفره عليها رز
والله يحق لك يالشقيري تقارن حتى في النظافه
والله بنو الاسلام بها اولى