حوامل و نفوسات منتدى الفَـراشه اقلطن هني موضوع مفيد جداً لكم ..

😆 🙂

بسم الله الرحمن الرحيم ..
السلام عليكم ورحمة الله و بركاته
( صبحكم – مساكم ) الله بكل خير خيـاتي
بصَـراحه و أنـا أطامر بين هالمواضيع اللي بـ هالقسسم لقيت موضوع لـ الـأخت

<<ورده>>

الملف الشخصي
http://satfrequencies.com/girls/user270817/
<~ بتوورطها خخخ

الله يجزاها كل خير فادني هالموضوع كثير

المهم هذا هو موضوعها كَـامل ..

~~~~~~~~~~~~~~~~~~~~~~~~~~~~~~

السلام عليكم ورحمة الله و بركاته

كيفكم ياحلوات

اووول شي انا بحكي لكم قصه حملي وولادتي ونفاسي ومابعد النفاس ان شاء الله عشان تستفيدوا وبحاول اقول لكم على كل شي غلط سويته عشان تتفادوه << خخخخخخخ حلوه تتفادوه صح ؟

المهم ياقمرات
اولا:

ولدت والحمد لله وجبت حبيبي وروحي بصحه جيده يعني باركو لي خخخخخ
اكثر شي ينرفزني اللي تفتح موضوع وتقول انها ولدت طيب فيدينا شوي وانصحينا في الولاده والنفاس

مو بس انا ولدت !!!

راح ابدأ احكي لكم :

1) الحمـــــــل :

هذا اول حمل لي يعني بكريتي بالنسبه لحملي اللي يسالوا متى عرفوا انا عرفت وانا في الاسبوع السابع عن طريق التحليل المنزلي وماكنت احس بأي شي قبلها
اوووول ما عرفت بدا الوحم << ليتني ماعرفت اللا متأخر

وحامي للي يسألوا عن وحام الولد كان بس غثيان وقرف واكره ريحه الاكل وابكي من الجوع طبعا قعدت هذيك الفتره عند اهلي لاني ماكنت اقدر اطبخ

ومجرد مادخلت الرابع ارتحت وراح كل الام . وكمل فتره حملي على خير بدون مشاكل الحمدلله
الحلوات اللي لسه ماحملوا او اللي اول حمل لهم وماعندهم خبره

الافرازات الزايده طبيعي جدا فتره الحمل يعني اكيد حتتضايقي بس عادي
الالتهابات المتكرره طبيعي برضو انا كنت كل شهر والدوا طبعا كريم خارجي وتحاميل مهبليه وتروح .

وعدت فتره الحمــــل .

نروح للولاده

~~~~~~~~~~~~~~~~~~~~~~~~~~~~~~~~~~~~~~

2) الولاده :
لما وصلت الشهور الاخيره مررره ثقلت ورجولي تووووورمت صار شكلها يخوف
ومررره تنفخت

دخلت التاسع وقالت لي الدكتوره لاتبدأي تمشي اللا اذا قلت لك وراجعيني الاسبوع الجاي
ثاني اسبوع قالت لي خلاص امشي واشربي قرفه عشان تلين عنق الرحم ولما كشفت كان مفتوح 1 سم .
ملاحظه : الكشف ماحسيت بالم عادي جدا يعني مو زي ما يقولوا البنات ويخوفوكي على حسب يد الدكتوره .
بصراحه ماكنت اقدر امشي لاني كنت مشغوله << احلفي

يعني ماعندي الوقت لاني كنت ففتره دراسه ومعهد
مشيت مره وحده نص ساعه يمكن ومره في السوق وانا اقضي اغراضي والقرفه ما احبها مره شربت مره وحده .
الاسبوع الي بعده رحت وكشفت لقته مفتوح 1 ونص كان يوم سبت
قالت لي الاسبوع الجاي يوم السبت في الليل الساعه 12 اشربي ثلث علبه خروع مع عصير برتقال وتعالي موعدك الاحد في المغرب اعمل لك تخطيط

سويت مثل ماقالت ولاحسيت بشي غير الغثيان ورحت الحمام مرتين الله يكرمكم وحسيت انه كلااام فاااضي ونمت

حسيت بمغص خفيفف مره الساعه 6 الصباح وطنشت لاني دااايخه نوم << مو فايقه للدلع
وصحيت الساعه 8 نفس الشي قلت بقوم اروح الحمام وارجع انام
اول ماقعدت انفكت المويه وانا اطالع مفجووعه حتى عيوني بالقوه قادره افتحها مغمضه نوم
فكت المويه كأنه احد كب عليكي جك مويه وقاعده تتكبكب عليكي مو مثل ماكنت اتوقع شويه لااااااااااا
صحيت امي وغيرت ملابسي وعالمستشفى

كشفوا قالوا 3 سم مفتوح وقعدت عندهم وبسرعه كان يزيد الالم معاي حتى ماكنت عارفه احسب الوقت بين الطلقات لانه كان حار

جات الساعه 10 ونص يمكن ووصلت حددددي جات الدكتوره قالت مفتوح 9 ونص
وانا اساسا كل شوي انادي اقول تعالوا اكشفوا يمكن 3 كشفوا علي ممرضات ودكتوره لاني ماكنت احس بالم وقت مايكشفوا لكن كنت ابغى اعرف كم صار

وجا وقت الولاده صارت تقول لي ادفعي ي هالفتره اعطوني كمام اكسجين زي قلته رميته مرتين ورجعوه غصب عني
وابراه وقت الولاده في المغذي
وزي الابره مكان نزول البول الله يكرمكم ماسألت وشو لان حالتي ماتسمح لكن ماحسيت بالم

صارت تقول لي ادفعي وكنت ادفع باقوى ماعندي لكن موراضي الدكتوره تقول راسه كبير وانا ادفع
تجمعوا الممرضات عندي وصاروا يمسكوني ويدفوا بطني وانا ادفع وادعي لين خرج شفت ظهره بس ونمــــــت .
صحيت بعد ساعه وانا مخيطه وخالصه .

ملاحظات : الالم كله كان الطلق بس الولاده ماحسيت بشي غير زي الصابونه خرج حتى الراس ما ادري متى طلعت .
طبعا وقت الولاده تحتاجي اي احد جنبك اكيد محد بيخفف عنك الالم لكن يكفي احساسك انك مو لحالك لان وقتها تحسي ان الكون كله مافيه غيرك خخخخخخخخ

اسوء شي بالمستشفى انه مايدخلوا احد والاطين انه ماتجلس معك لا ممرضه ولا غيره والدكتوره جاتني وقت الولاده بالضبط
تمنيت لو حتى عامل نظافه عندي هههههههههه << استخفت

ملاحظه : الولاده كانت في السعودي الالماني عند الدكتوره تشكر الممرضات كانوا طيبات معاي ويخدموني والدكتوره كانت زينه انا متابعه معاها من اول ماحملت كويسه وشاطره لكن عمليه .

للاسف كنت مخططه اخذ غرفه خاصه درجه اولى لكن لما ولدت قالوا لي مافي غرفه فاضيه وقبلي انتظار 10 !!!!!!
نزلوني غرفه درجه ثانيه معاي مريضتين
انا كاش ماعندي تأمين

الغرفه درجه اولى مع الحضانه يوم واحد5500 مع التحاليل واللازم منه ممكن توصل 6000 ونص
قالت لي الدكتوره اخر مراجعه اعمل تحاليل برا واجيبها وقت الولاده عشان ما اتكلف الله يجزاها خير
لانه لو ماعملتها المستشفى اجباري راح يعملها وقت الولاده

فقمت بذكائي المعهود وزوجي الله يسعده عملناها في مستشفى الولاده يوم الثلاثاء وولادتي كانت الاحد يعني اخذت تحاليلي معاي .

تمت الولاده على خير ونرووووح للنفاس
~~~~~~~~~~~~~~~~~~~~~~~~~~~~~~~~~~

نجي للنفاس وما ادراك مالنفاس
3) النفــــــاس :

من اهم مشاكل النفاس الخياطه والعنايه فيها ومتى تطيح هالاسئله اللي راح اجاوبكم عنها
1- الخياطه :
بالنسبه للخياطه زي ماقلت ماحسيت فيها لكن اول ماصحيت قومتني الممرضه ودتني الحمام وانتو بكرامه
اول ماجلست دخت من كميه الدم اللي فقدتها بالولاده مسكت الممرضه مارضيت افكها قلت لها تنادي احد يجيب لي مويه
اول ماشربت فتحت . ودوني بعد ساعتين الغرفه الم الخياطه مقرف ما تقدري تجلسي وبشوييييش تتحركي اعطوني حبوب مسكنه مرتين في اليوم ومغطس مطهر بيتاسبت وسفوف ملين .

داومت على المطهر والحبوب لكن كنسلت الملين لاني شفت ان وضعي تمام وهذا اكبر غلط سويته للحين ندمانه عليه
واقول لكم ليه !!

وقت الولاده لما كنت ادفع ماكنت مركزه من وين ادفع من قدام او ورا ..
بالتالي المنطقه ورا تأذت لكن انا ماكنت داريه
بعدين كان لازم استخدم الملين عشان المنطقه ما تنشد مره ثانيه في هالفتره

اللي صار انه بعد فتره 20 يوم يمكن او اكثر جاني شرخ يعني مثل الجرح الله يكرمكم في منطقه الشرج واعطاني الدكتور مراهم وقال راح تطيب بعد اسبوع لكن للحين ماطابت وانا صار لي شهرين من ولدت
اهم علاج لي اني احافظ على نفسي من الامساك ..

نرجع للخياطه شتتكم معاي
بعد 10 ايام رحت للدكتوره قالت لي الخيوط ذابت وكله تمام ميه ميه

بعد فتره تحسي المكان مشددووود كأنه بينقطع بس لا تخافي
وبعدها تحسي بنغزات جوا وبرا وبرضوا لا تخافي
اخر الاربعين رحت للدكتوره لاني كنت حاسه انه الغرزه انفكت كنت احس انه في مكان بالجلده مصلوخ
قالت لي كله تمام ومافي خيوط ولا شي واني رجعت كأني عروس لانها سوت تجميلي واعطتي مرهم مسكن والحمدلله .

الم الخياطه زال تمااااااما يعني ما احس انه صار شي لهالمنطقه بعد الاربعين باسبوع تقريبا .يعني حتى لما راحت الخيوط برضو في الم خفيف لما تجلسي يضايق فطبيعي لا تخافي .

2- الرضاعه :

في البدايه اول 3 ايام ماقدرت ارضع لانه ماافي حليب ولا حلمه مع اني كنت دايما ادهن حلماتي وانا حامل لكن انحلت هالمشكله بعد ماجبت الممرخه .

3- التمريخ :
التمريخ لازم يتعمل بدري يعني انا جبتها ثالث يوم ممرخه شااطره مرخت لي جسمي وقالت لي اساسا حلماتك مسكره وفركتها بقماش وفركت باقي جسمي عشان تفتح العرروق وقالت لي خلاص باقي انك تاكلي زين وراح ينزل حليب وفعلا مثل ماقالت صار . وقالت لي ماينفع تتاخري بالتمريخ لازم بدري وجلسه ثانيه بعدها ب5 ايام والاخيره بعد الاربعين .

الجلسه الاخيره ترفع لي الرحم لاني كنت حاسه انه في شي ثقيل مره تحت رفعته اول مره ماارتفع زين وفي المره الثالثه ارتفع هو بجد يعور لكن فعلا حسيت فيه وهو يطلع لدرجه كأني سمعت صوته وبعدها حسستني تحت الحوض المكان صار فاضي .

4- الجسم بعد الولاده :
لا تتوقعي مثلي انك راح تنقصي كثير بعد الولاده لان الدكتوره قالت لي 10 كيلو
بعد الولاده مباشره 6 كيلو وطول فتره النفاس راح تنقصي بسرعه لكن انتبهي لأكلك
عند الحمل كنت 65
نهايه الحمل 85
بعد الولاده 79
بعد الاربعين 70

يعني اللي بقي معي للحين 5 كيلو والله يعين وتروح .
غير اللون استخدمت الخلطه الصابونيه ما استفدت شي منها لكني فتحت الحين وباقي شوي سمار بطني .

ما اترهلت كثير لاني كنت استخدم زبده كاكاو وانا حامل باستمرار لكن طلعت تشققات بسيطه للحين ماراحت في اماكن ماركزت عليها .
كنت الف كل يوم مشد اندنوسي من بعد ماجاتني الممرخه
من ثالث يوم بديت اسوي تمارين بطن خفيف
ماكنت اكثر اخاف عالخياط .

5- نظامي في الاكل :
لا للزيوت والسمن
الرز ما اكلته ولاا لمكرونه والمعجنات مره قليل لما يجو ضيوف اخذ حبه
والحلى كمان نفس الشي
اكل عيش حب وجبنه بيضا وبيض ومرقوق ومرق دجاج ولحم يعني اكل صحي قد ما اقدر
فواكه عصير برتقال ومويه كثير
قشر كمان ادمنت عليه مع امي الله يخليها لي
ومغلي نعناع مع بابونج وكروايه وزنجبيل اخضر بدون سكر
يحرق الدهون والكروايه عشان الحليب .
في البدايه اخذت الطحينيه عشان يزيد الحليب ولما طلع وقفتها عشان لا اسمن .

راح اقول لكم على السفوف

اخيـــرا راح اقول لكم اهم نصايحي لكم

6) السفوف :
السفوف اخذت من التاجره ام عبودي
هي عندها برنامج ال20 الولى مكتوبه وانتي تعمليها هي السفوف المعروفه قرنفل – حلبه – كمون …. الخ والله ناسيه الحين

المهم عملتها واخذتها العشرين الاولى سفوف في الصباح وقبل النوم غير اني في مرات كنت ارش حلبه مو مطحونه على الشوربه عشان تقوم ظهري وعشان الحليب لاني ارضع

طبعا اوقاتي مررره ملخبطه فماعندي شي اسمه قبل النوم وعلى الريق انام كم ساعه واسهر عشان ولدي بس قد ما اقدر كنت اخذها

بامانه انا ما التزمت ببرنامجها زين لاني كنت شوي تعبانه ومحتاسه مع ولدي لاني ماكنت اخلي احد يمسكه لي اللا لما انام كم ساعه عشان اتعلم واتعود عليه لاني ما اعرف للصغار ابد انا الاخيره في بيتنا …!

الحليب يوميا في الصباح عشان السفوف
العشرين الاخيره استخدم السفوف اللي هي عملتها بس ما التزمت بها وايام كثيره كنت افوت وللحين ماخلصت اللا اقل من نص العلبه بشوي
وهي مخلصه علبتها مليااانه بامانه الله يعافيها .

الممنوعات من الطعام الاشياء اللزجه والحوامض والزبادي … المعروفه في المواقع دايما .

الكبو والتحاميل ما عملت لاني ما احب هالاشياء بصراحه .

نسيت اقول لكم في البدايه كنت خايفه من الحلبه عشان الريحه والزوار وعشان تسمن وكلمتها وقلت لها وهي الله يسعدها طمنتني قالت لي الريحه ماراح تبان اذا اهتميت كل يوم بالنظافه والعطور والتسمين قد ايه راح اسمن كيلو او اثنين مو شي قدام الفايده .

وبصرااحه ابد محد حس اني اكل حلبه كنت اخلي امي واختي يشموني قالوا مافي اي ريحه
اهم شي دش كل يوم ومزيل عرق (كريم لويس ويدمر حلو لو حابين تجربوا ) << دعايه
وعطر وبس ..

الحلبه اخذت الحلبه القصيميه لان العطار الله يجزاه خير قال لي انها احسن نوع .

واشكرام عبودي كثير والعلبه راح اكملها ان شاء الله لما تجيني الدوره. لكن الحمدلله السفوف اللي اخذتها كانت مفيده بالنسبه لي ول التزمت اكثر كنت استفدت زين .

راح اعطيكم بعض نصايحي لكم واغلاطي اللي عملتها وان شاء الله تتفادوها ولو في شي ناسيته قبل قولولي ..

7) نهايه الاربعين :
الدم في الاربعين الله يكرمكم قريب من الدوره قرب ينتهي بعد 30 يوم وبعدها رجع من جديد وما انتهى اللا بعد الاربعين ب 5ايام
ولما سألت الدكتوره قالت لي عادي هذا نفاس لا تشيلي هم . بعدها بديت استخدم حبوب الرضاعه لكن للاسف جاني نزيف وللان مستمر انا الحين بعد كم يوم بكمل شهرين من ولادتي

رجعت للدكتوره قالت لي الغالب من الحبوب وقالت لي خذي حبتين بدل حبه مده اسبوع عشان ترفع الهرمون عندي ويوقف النزيف ولو ماوقف ارجع لها تغير الحبوب بعد كم يوم براجعها ..
يعني عشان لو صار لك مثلي لا تستغربي عادي

8) الختان :
ذكرتني فيه فراشه الله يجزاها خير
بالنسبه للختان انا كنت ابي اختنه في المستشفى قبل ما اطلع لكن الدكتور كان عنده اجازه لاني ولدت في الحج
فاليوم الثاني وداه زوجي وامي مستشفى خالد ادريس عشان يختنوه انا مارحت لاني ما اقدر اجلس قالوا لي انهم اخذوا منهم الولد ودخلوه جوا ماسمعوا شي وطلعوا الولد وهو نايم ومختن خالص

اعطوني قطره زيت او انتي استخدمي زيت زيتون اقطر له عليها كل ما اغير له الحفاظ وبعد يومين طاح الشاش اللي عليها لحاله لكن حتى لما يطيح استمري على الزيت هم قالوا استمر عليه 5 ايام
بس انا واصلت لانه لون الجلده اول ما يطيح الشاش يكون احمر فلو ماحطيتي الزيت ممكن تلصق في الحفاظ وتعوره فخليك على الزيت الييين يصير لون الجلده طبيعي زي الباقي وقتها تعرفي انه خلاص مايحتاج .

ولما تغسليه لاتخلي المويه تصب عليه من قدام لانه مجروح وحساس يعوره خلي المويه تصب عليه من ورا وانتي بايدك تطشيها عليه من قدام وتغسليه اختي علمتني الله يسعدها ..

9) كلمه للبكريات :
الولاده مو سهله يعني تعب جسدي ماراح تقدري تتجنبيه يعني حتولدي حتولدي لكن
التفكير فيها هذا تعب نفسي انتي تقدري تتجنبيه فلا تحملي نفسك تعب نفسي وجسدي
ريحي نفسك من التفكير واستمتعي بالايام الاخيره من الحمل
وعشان تقنعي نفسك
تخيلي انك طالبه في مدرسه وعندك اختبار تعبير مفاجئ ايش راح تسوي ؟؟!!

ماراح تقدري تذاكري لانك ماتعرفي ايش حيجي ولا يحتاج تسألي غيرك لان كل وحده غير الثانيه
يعني حتصبري ليين يوم الاختبار
اذن لا تشيلي هم وتنكدي على نفسك في شي مو بايدك انبسطي وتوكلي على ربك ووقتها يصير خير . ان شاء الله اقتنعتوا لاني اشوف كثير بنات خايفات من الموضوع

نصايحي لكم يابكريات والتكرار يعلم الشطاار يا مجربات :

1- السونار قال لي ولد وماصدقت لاني كنت احس انه بنت لا تصدقي احساسك دايم لانك تحسي باللي في داخلك تتمنيه .والحمدلله على نعمه بنت او ولد كلهم احلى من بعض وكلهم قطعه منك .

2- اهتمي باكلك وتعذيتك زييين زين كل شي تاكليه راح ينعكس على البيبي لو كنتي ترضعي طبيعي يعني لو جاته غازات او امساك او او فاول شي عالجي نفسك وشوفي اكلك
اشربي يانسون وشربيه لو عنده غازات او كراويه ولو امساك اشربي زيت زيتون .

3- المغص راح يتعب البيبي كثير في الفتره الاولى لكن حاولي يكون الدوا هو الحل الاخير لانه دكتور يقول انه كثره الادويه تقلل مناعه الطفل لما يكبر . يعني حتى لو بكى مو مشكله شوي شربيه كراويه حطيه على بطنه فوقك مرخيه شوي بزيت زيتون ودفيه لكن لو زاد عن حده وقتها الجأي لدوا المغص.

4- خليه يتكرع وسط الرضعه ونهايتها لان معدته صغيره ماتتحمل مره وحده وراح يتعب .

5- اسمعي كلام دكتورتك لو اعطتك ملين بعد الولاده استخدميه مثل ما تقول لا تقولي مافيني اللا العافيه .

6- عصير البرتقااال مهم جدا كل يوم اشربي والمويه كثررررررري منها لاني قريت مره انه قللي المويه مدري وش تسوي بك
لا تسمعي هالنصايح اللي ماتدخل العقل عشان لايجيك امساك وتتورطي وهذا من اسوء الاشياء اللي ممكن تصيب النفاس .ولا تشربي العصيرات الجاهزه لان كلها سكر ومويه وراح تسمنك وبس اشربي العصيرات الطازجه وكثري منها .

7- لا تاكلي الدقيق الابيض او الاكلات الزجه او الزيوت والسمنه لكن لا تحرمي نفسك من شي حتى لو كانت من الممنوعات على النفاس يعني لو اشتهيتي يوم باميه مافيها شي كليها لكن مره وحده في الاربعين كله ومو كل يوم تاكلي شي ممنوع وتقولي مره وحده كذا ماراح تخلص لا تستهبلي على نفسك << عصبت

8- خليك منسدحه على ظهرك طول النفاس لا تجلسي كثير حتى لو شفتي نفسك بخير لاحقه على الجلوس والروحات والجيات اصبري كلها 40 يوم لانه نتايجها راح تطلع بعد ماتخلصي النفاس . يعني ارتاحي قد ماتقدري

9- شدي بطنك على طول ودخليه على جوا وحاولي تعملي تمارين البطن كل ماشفتي نفسك فاضيه لانه فهالفتره تكون العضلات قابله انها تنشد اكثر ووالمشد الاندنوسي يوميا عشان مايترهل بطنك .

10 – مهما كنت مهتمه باستخدام كريمات عشان ما تطلع تشققات راح تلقي بعد الولاده تشققات ما ابغى احبطكم لكن هذا طبيعي ناس مايهتموا ولا يحطو شي وما يطلع لهم يعني يرجع لنوع البشره لكن انتي تهتمي عشان تقللي من الاضرار بالذات المنطقه اللي تحت السره اللي ماتشوفيها ركزي عليها لانها تصدمك بعد الولاده
لكن على الرغم من هذا اشوف بطني الحمدلله احسن بكثير من غيري .

11- بالنسبه للون اذا سمرتي انا رجع لون وجهي ورقبتي بعد الاربعين مثل اول لكن سمار البطن ياخذ فتره اطول .

12 – الخلطه الصابونيه سويتها لكن اللون بيرجع لحاله مايحتاج الحوسه كلها يعني ما فادتني بشي .

13 – بشره جسمك تكون تعبانه فاهتمي بالزيوت لجسمك او اي كريم عشان ما تنشف .

14 – السفوف مهمه وحلوه عشان تقوم لك ظهرك وتنضف الرحم فلا تهمليها لكن لا تبالغي في برامج النفاس .

15- اذا تبغي ترضعي ابعدي عن الميرميه لانها تنشف الحليب واشربي كراويه .

16- كونك نفاس مو يعني تنتظري تخلص الاربعين عشان تنتفي شعرك خلك نظيفه على طول انا قبل الولاده بيوم نتفت بالحلاوه وجسمي بالاله وكنت انتف كل مايطلع شعر عشان زوجك اذا زارك والناس يجوك مو لازم تكوني (…)عشان يصدقوا انك نفاس

17 – في الحمل كنت اشقر حواجبي في الشهور بعد الاولى والحمدلله مايأثر للبنات اللي يخافوا وفي النفاس برضو زي ماقلت لكم في النقطه السابقه عشان تكوني مرتبه ونظيفه حتى في نفاسك .ولو كنتي من اللي ينتفو فهذه فرصه حتى توقفي وتوبي لانك في وقت الولاده ماتدري ايش ممكن يصير لك انتي بين يدين الكريم ترجين رحمته وتسهيله الله يهديك

18 – حلماتك لو حترضعي طبيعي اهتمي فيها وادهنيها بزيت زيتون قبل ماتولدي وحتى لما تولدي وترضعي ولو شفتي وضعك تمام برضو كل يوم افركيها كم مره بالزيت عشان ماتتشقق انا كنت اعملها وانا حامل ولماشفت وضعي اوك بعد الولاده بطلت والحين قربت اكمل شهرين وبدأت تألمتي وتنشف وصرت ادهنها كل شوي قبل تتشقق .

19 – لما تشتري للبيبي ملابس لا تكثير نيو بورن لانه بسرررعه بيكبر فديته خذي لبسين للضيوف وكم بيجامه وبعدها انزلي السوق وخذي اللي تحتاجيه لاني اخذت له كثير وكبر عليهااسم الله عليه وهي جديده كل طفل غير الثاني ولدك مو مثل ولد اختك اصبري وخذي له اللي يحتاجه لما يجي بالسلامه .

20 – سنتيانه الرضاعه مرررره مهمه عشان ترفع صدرك وتشده .

21 – الممرخه اسفه اذا ماراح اعطيكم رقمها لانها تخاف تروح لاي احد وما اقدر اتصرف من راسي . سامحوني
كمان انا سالتها بما ان لها خبره عن ولدي وليه ماطلع بسرعه مع انه صغير والدكتوره تقول راسه كبير قالت لي اكيد تشربي مويه باارده دايما وانا كنت فعلا مفتريه وما اشرب المويه اللا وهي مثلجه في حملي قالت لي ان المويه البارده هي اللي خلته كبير وماطلع بسهلوه فانتبهوا لاتشربوا بارد لا في الحمل ولا النفاس .

22- اهتمامك في فتره النفاس راح تشوفي نتايجه بعد الاربعين بفتره فلا تستعجلي .

23 – واصلي جدولك وقت النفاس من اكل صحي ومشد حتى بعد الاربعين لنتائج افضل .

24- يابكريه لا تصدقي كل شي تقريه اللا اذا عقلك اقتنع فيه وسويتي بحث عنه زين وسألتي اللي حولك

25 – لا تخلي اهتمامك بنفسك ينسيك اهتمامك بطفلك لانه يعتبر جزء من كيانك هالفتره تكوني فهمتيه وعرفتي احتياجاته .لانك عارفه انه مايعبر اللا بالبكا لكل طلباته .
ولاحظي اني مافصلت كثير وشرحت الالم وقت الولاده ونصيحه لا تقري المواضيع اللي عناوينها معاناتي ومأساتي وقت الولاده يعني اللي تفتح النفس زي كذا عشان لا تخوفك
كل وحده لها تجربتها الخاصه والالم محتمل ان شاء الله خلي شعور انك متحمسه لشوفة الطفل اللي صار له 9 شهور في بطنك يغلب على شعورك بالخوف وكلها تساهيل من الله لا تفكري بالموضوع خلي كل شي يجي لوحده

مو شرط ان البكريه تطول في الحمل انا بكريه وولدت قبل موعد الولاده المتوقع باسبوع .

الله يتمم عليكم ويسهل لكم …….

هذا اللي طلع معاي وانا ما انتظر منكم اي ردود ولا راح ازعل كتبت كل اللي عندي ابغى منكم دعوه حلوه ان الله يصلح لي ولدي ويهدي زوجي ويكتب لنا اللي فيه الخير والصلاح حتى لو رديتو بس ادعوا لي بقلوبكم .. معليش يمكن الاسلوب عملي مره بس يادوب ابغى الحق اعطيكم كل اللي عندي قبل انشغل ببيتي
اختكم ورده ولما تقول بالتفصيل يعني بالتفصيييييييييييييييل الممل

إضـافه :~

المشد ياحلوات ما اقدر اقول بنسبه كم استفدت لاني ماجربت اولد من دونه قبل لكن

تعودتي وانتي حامل في شد في بطنك شاده وبعد ماتولدي يفضى بطنك ويصير مرهل
المشد يلمك يلم بطنك يعني حتى لو ماكنت استفدت لكن لما كنت الفه احس اني مرتاحه وملمومه
والحين بطني مو مترهله اللا قليل لكن في كروشه لازم تروح
صديقتي كانت تدهن لكن ماشدت بعد الولاده ومره متضايقه تقول مترهله

يعني انصحك تربطني
جيبي اندنوسيه تلف لك وتوريك كل وحده تلف بطريقه غير
انا كانت تلف لي لفه على بطني بعدين كأنها تعقد المشد او اربطيه وبعدين ابدي لف على جسمك
عموما انتي جربي عشان ماتندمي انك ماجربتي ومنها يكون عندك تجربتك
في وحده في المنتدى كانت حاطه طريقه الربط بالصور لو ماشفتيها ادور لك علي رابطها

بالنسبه للخطوط هي ماتطلع بعد الولاده مستحيل لانه سببها تمدد الجلد وانتي ماتتمددي اللا بالحمل

لكن يكون في تشققات ماكانت تبان وانتي حامل لان جسمك مليان ومشدود
وبعد ماتولدي تكتشفيها

زي الفخذ ماكنت اهتم بدهنها لاني اشوفها مشدوده مافيها شي بعد الولاده لقيتها متشققه
واسفل البطن تحت السره ممكن تتشقق وانتي ما تشوفيها لانها تحت

عشان كذا ركزي في التدهين من الصدر للركبه كلله زييين وهذه المنطقتين مره مهمه

بطني من السره وفوق عندي مره صافيه لاني كنت اركز عليها
فلو ركزتي انتي على جسمك كله يمكن ماتطلع لك شققو او تكون مره خفيفه

منع الحمل :

النزيف ماوقف فراجعت الدكتوره وبعد الكشف علي قالت لي

وهذه نهايه قصتي باذن الله
~~~~~~~~~~~~~~~~~~~~~~~~~~~~~~~~~~~~~~~~~~~~~

أي سؤال الـأخت << ورده >> حاضره تجَـاوب عليْـه ^^ ..~

دعواتكُـم .. لصاحبه الموضوع و ناقلته (( اللي هي انا خخخخخ )) ..

أدري إنْ بـ الموضوع لخبطه بسس تحملوني ششوي 💡 .. حبيتي أنـزل الموضوع بسرعه و بدون تـأخير .. من الممكن حرمه تولد بكره يعني امداها تلحق ع هالموضوع و تستفيد خخخخ .. 😆 🙄 😎 ..

و السلام عليكم و رحمة الله و بركاته