عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قررت دخول نادي صحي بتشجيع من ابو عيالي وبناتي وخواتي
وبعد يوم من التعب في اعمال البيت والطبخ والغسيل 
ذهبت الى النادي ب لبس سبورت>>ماهو بمزاجي “قوانين النادي”
وفوق اللبس بالطو طويل وحجاب 😆 🙄
وعند دخول النادي رفع فيني ابو العيال قدام الريسبشن”ذيسس البرينسس ” ❗
وهي تطالع لي بنص عين هههه صدقت قالت وش هالاميره اللي نزلت علينا من السماء
وانا تبسمت>>يعني تريها مزحه
المهم دخلتنا الاقسام وقالت خلينا نبدا كبدايه وتجربه واول يوم فررري>>يعني ب بلاش
دخلت قسم الالات وبدينا بالسير
الا وذيك الطرقاء بجنبي تركض عليه وتطالع الاخبار بالتلفزيون قدامه ورحت وقلدته ببالطوووي طبعا ليش؟؟؟لان وراء اللي وراه رجال!!!!!
وبعد عشر دقايق رحنا قسم ثاني”السيكل”
فقالت لي “كان يو تراي” تقدرين تجربين ؟؟؟فقلت لا هذي عندي بالبيت اعرف له>>>تبي الفكه
وبعده دخلنا غرفه كله كور اشكال واحجام وقامت تتشقلب زي كذا
فقلت :لا فلحنا عز الله وقالت جربي وجربت على خفيف وابو العيال ميت ضحك>>هين جايبني تمرمطني وتضحك علي 😛
وبعده كملنا على اكثر الالات وياصاعدين الدرج ويانازلين لانه دورين
وبعدها ورتني العاب قوى وقالت يمكن ماتحتاجينها يستعملها الرجال على الارجح زي هذيوفيه مجموعه كبيره من الالات وانتي واختيارك …وبعدين قالت نحولك على الكلاس حبيتي تتدربين على انغام الموسيقى او الرقص او او او ….
وفتحت الكلاس عشان اشوف وشفناهم واعطيناهم ضحكه صفراويه ليش؟؟؟صح عليكم.لان الكلاس فيه رجال وحريم
وبعد ماخلصنا البرنامج وطريقته شكرناها بحراره وقلنا لهم شغلكم حلو ومرتب بس عيبه رجال وحريم وحنا نبي كلاسات نسائيهوبنفكر بالموضوع وبنرد لكم قالت دورو اتوقع فيه نسائيه بس راح يكون مزحوم لان فيه مسلمات باكستانيات وعرب >>وانا اقول بقلبي هذا اللي انا ابي 😐
المهم مشينا من عندهم وحنا فاطسين ضحك
رجعنا البيت على طول اول كلمه قلته :ميته من الجوع ابي دجاج مع خبز وسلطه>>>>>مو مني… من الحره اللي فيني خخخخخخ
وجاري البحث عن نادي اخر
وسلامتكم
