عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
عندي وحدة من خالاتي((اخت امي)) والله كل ما تعرف عني شي على طول اتنحس فيه وينخرب ولا اتوفق فيه
سواء انا او اهلي (بيتنا) سبحان الله امي الله يرحمها جاتها فترة صحتها طيبة وجات خالتي شافتها راحت قالتلها صحة تحسنت ، ومن بعدها امي ما شافت خير
وكانت عندها شغالة اعطتنا هي ، وجات يوم تزورنا وشافت الشغالة صحتها اتحسنت عندنا
راحت قالت الشغالة مبسوطة عندكم ، من بعدها الشغالة صارتلها مشاكل عندنا وخرجت رغم انها كانت مررة كويسة
وانا الاحظ في خالتي هذه انها تخبي اخبار بنتها وتخاااااااااف من الحسد مررررررررة
وتخبي اي خبر حلوة
والله يابنات كل ما تجي عندنا تشتكي وتقول الاخبار التعيسة اللي توجع القلب
عمرها ماقالت شي حلو عن حياتهم
دايما تقول المشاكل والمصايب
ما ادري ليش هي تسوي كدا
المهم بنتها لما اتملكت كانت تحتقرنا انا واختي الكبيرة ، وكانت تسويلنا حركات تقهر
حتى بنتها احتقرتنا ، وقالت انها خايفة من عيوننا انا واختي لأنها تعبت فترة بعدما ملكت
بجد قليلة ادب
طبعا انا خصرتها ولا اهتميت ، بعدين هي سافرت امريكا ورجعت ، رحت انا مع هبالتي اتصلت عليها اسلم ، الا رد زوجها ، قلتله ابغى فلانه ((اقصد بنت خالتي )) شوي ومسكت السماعة ، احسها زي المقهورة ولا كملت كلامها معايا على طول اعطت خالتي السماعة((امها))
راحت خالتي جلست تهزأني وتطول لسانها عليا على سبب سخييييييييييف مرررررررررة
وانا عارفة هي سوت كدا لأنها مقهوررررررة انه زوج بنتها رد عليا
يعني كأني انا حآكله ولا حأخطفه ، استغفر الله بس
وانا بصراحة الحركة هذه اكلت معايا ، يعني مرة انقهرت على نفسي ، لانهم سووا حركات كثيرة غيرها
المهم سبحان الله انا اتملكت وتعالوا شوفوا خالتي كيف انقلبت 180 درجة
صارت ترسلي صور ولد بنتها وعيال اولادها ، ، يعني زي قولة انه عشاني مملكة دحين خلاص ما حأحسد بنتها ،،، بجد والله مريضة
بس مو هذا اللي قارهني ، اللي قاهرني مررررررررررة انها واحد يوم اتصلت عليا قلك تسلم
وهي عمرها مارفعت سماعة الا في المشاكل وبس
المهم رديت عليها وتكلمنا (( انا اجاملها بس ولا في قلبي كرهتها)) شوي وتسألني عن زوجي ، والسؤال اللي قهرني تقولي : هو ايش عنده ؟؟؟ ((تقصد الشغل والراتب)) ، رحت انا مع هبالتي وغبائي ((مقهورة من نفسي)) قلتلها ، بس الحمدلله انا اصلا زوجي متسبب هههههههههههه يعني حالته المادية على قده
بس والله قهرتني بالسؤال ، لأنها تخبي اخبار بنتها وعيالها لكن تبغى تعرف اخباري ، ومالها حق اصلا تسأل ايش عند زوجي وايش راتبه ، ماهي امي عشان تسأل ، بس هي ليش تسوي كدا
ليش تحلل على نفسها الي تحرمه على غيرها
وقاهراني لأنها بس تتصل علي ، ما يمر اسبوع الا ورافعة سماعة عليا ، وهي عمرها ما كلفت على نفسها تسلم ، وياما ابوي وامي الله يرحمها دخلوا المستشفيات وعمرها ماسألت ، بس لما امي الله يرحمها كانت تدخل مستشفيات فخمة كانت تجي تزوها ، لكن لما تدخل مسشتفيات عادية زي الجدعاني مثلا ما تزوها ، تخيلوا المرض واصل لفين عندها
اخر مرة ما رديت عليا وقفلت جوالي ، راحت اتصلت على اختي الكبيرة تقولها ليش انا اسوي كدا وانها هي بس حبت تسلم ، قلت لأختي طنشيها هذي مريضة ، واختي الهبلة قالت مالك حق هذي خالتك
بس والله يابنات مقهورة منها ولا اعتبرها خالتي بعد كل اللي سوته ، ايش رايكم انا غلطانة ؟؟؟؟
عن Rogerrush
شاهد أيضاً
قصص نسوان خليجيان مساكين ودهم يدلعون ريايلهم…
هههههههههههه والله من جد كلامك ما نسلم من التعليقاتـ اليوم خطيبي جا وكنت كاشخه بساعه …