خالي طلقنـــــــــــــــــــــــــــــي من زوجي قبل ليلة الدخله

بسم الله الرحمن الرحيم
هذي ثالث مره اكتب الموضوع وقبل لا اضغط انتر…
اغير رايي اخاف اني مالقى الي يعطيني رايه او انصدم بانو مالقى اهتمام لموضوعي من قبل الفرشات ..
بس زادة علي الحيره فحبيت تسمعوني وتحطو انفسكم بموقفي وتختارون .. بدالي …

ابوي انجن جنونه ونار الانتقام ولعة فيه بس تحسبونه بينتقم من منو بينتقم من خالي ….
بانه يتزوج على امي …وبينتقم من عيال عمه بانه يطلقني من زوجي …..
الي مو داري شالي صاير ولساته مارجع من السفر اساس
انا كنت مو مصدقه الكلام الي اسمعه ابوي وحبه لامي يسوي فيها كذا
وبسرعه ترخص عشرتهم عشان ذنب مو ذنبها وخالي الي مهبووووووول
فحرمته بيوم وليله يتزوج عليها
اجل وين الحب وين العشره كنت شبه المصدومه صرة اشوف كل الرجال غدارين وكلهم كذابين حتى حبي لزوجي وشوقي له انطفى وحل محله الخوف والتراجع انعدمت الثقه صرة متوقعه الخيانه منه فاي لحظه مع العلم اني لساتي ماعشرته ولا شفته بس لو عاشرته بكون متوقعه الخيانه فاي لحظه ومستحيلاسلمه قلبي مهما كان ومهما صار…………….
من بكراء عمتي دقت على ابوي تبكي وتقول مايطفي ناري الا انك تحرمهم فلانه فلانه الي هي انا ابوي حلفلها انو ماتدخل عليه فلانه وراسي يشم الهوء
مرة الاسبوعين علينا كنها ستين سنه واناعن نفسي كني كبرة عشر سنوات زياده انطفت البهجه والفرح والبشاشه الي بوجهي وحل محلها الحزن والكائبه كنت مكسورة الجناح ومابيدي شي احبه صح لاكن بعد كيف يزوجون على عمتي ولايحطون لابوي اي اعتبار صرت اخاف من الرجال واي رجل صرت انظرله نظرة الثعلب الغدار الخاين الي ياخذ الحرمه ورده مفتحه من بيت اهلها وبس يشمها ويشبع منها يرميها ويدور غيرها ………………
جاءابوي وكلمني وقالي بطلب طلاقك بس مابي يكون فنفسك شي علي ………. انا ماكنت اقدراقول غير الي مايحشمونك يايبه لاتحشمهم ونزلت دموعي وقلت لابوي انا بنتك وتحت يدك والي تشوفه سوه اناراضيه فيه
من بكراء طلب ابوي الطلاق وارسل صديقه يبلغ حماي الكبير كنت محروقه بس مبينه قويه قدام امي لان هي بعد مو ناقصه حماي الكبير قال خلاص يبشر بس خل يجيب الذهب والفلوس ويبشر انا انقهرة يعني ليش انا رخيصه عنده لهادرجه كنت مصدومه على بالي ان زوجي راضي ….وداخلي اقول معقوله وين حبه وين شوقه وين ووين ….ووين ….؟؟؟
ماجت ساعه الا زوجي يدق على ابوي وابوي مارد وقعد يدق اكثر من 50 مره ومارد شوي ولا حماي الكبير يجي لابوي ويقوله استنى لين مايجي فلان <والي هو زوجي> قال هو موراضي وانا وافقت على بالي ان هو ماعنده مشكله بس هو يقول انا الاسبوع الجاي راجع وانا اتفهم معه
ابوي قال خير ان شاء الله ومنهنا الين الساعه 8 الصبح وجوال ابوي مهدى كله مكلمات منزوجي بس ابوي ماكان يرد
انا هديت شوي لما عرفت انوماكان كلام زوجي الي انا سمعت….
من بكراء وصل زوجي انا استغربت لسى باقي له اسبوع …………..
انا فرحت برجعته بس مو قد حزني وصدمتي وخوفي من المستقبل الي ينتظرني معه …؟؟!!!
من الطياره قبل حتى لايشوف اهله جاء لابوي وفهم منه السالفه وحلف بالله انه ماله اي خبر بالوضوع الا الحين وعلى طول راح لخالي وطلب منه يطلق بحكم انه هو اخوها وهو موراضي على هالزواج خالي رفض << وانا من داخلي اقول الله يسمحك ياخالي دمرت بيتنا كله بهالزواج >
تخيلو يابنات الولد حتى مانام جاء وجاب كبار الرجال فالحاره ودخل على ابوي وهويتعشاء ووجلس بالدوانيه وقال ورب الخلايق ماقوم الين ماتوعدني ماتجيب سيرة الطلاق مره ثانيه او تجيبولي فلانه ااخذها معي الحين ابوي قاله ذهبك موجود وفلوسك موجوده والبنت ماتبغاك وانا الي زوجتك ايها وانا الحين اقولك ماتبيك ……..
الولد انجن جنونه وقعد يقول ماني مصدق ابي اسمع هالكلام منها وحتى لوقالت مابيك انا ابيها ولو ماصرة من نصيبي ياعم والله ماراح تكون من نصيب غيري وانا حي < انا فهالوقت كنت عند صديقتي ماعندي خبر بالي صاير< ابوي يقول الولد شوي ويبكي لان ابوي قاله انو انا خوفت فلانه منك وقلتلها انك مثل اخوك وانك بيده ولوبكراء يطلبك تطلقها طلقتها لو معها سرب عيال
لما سمع هالكلام الولد انهبل واصر على ابوي انه يكلمني بس ابوي رفض وقال كلم امها هي توصلها كلامك دق على امي وقاله مستعد ادفع عمري بس لاتخلون فلانه تخاف مني او تشك فيني لو لحظه ……………
امي قلتله مابيدي شي شف ابوها وفعلا رضاء ابوي عليه وطلع من البيت على اساس انو مافي الا العافيه وانو فلانه لك وانت لها انا لما شفت جنانه تعلقت اكثر وحبيته اكثر بس اكذب عليكم لوقلتلكم انوانا ممكن اصدق انو هذاالجنان من قلبه صرة اشك انه يصطنعه وانه يمثله علي
بس بعد اسبوع امي قالتلي انو ابوي مخيرها بين انه يتزوج عليها او يطلقني انا قلت لهابكل ثقه من غير لاتحتاري انا لساتني على البر والا مايعوضني ربي واساس انا كرهت الرجال عموووووووم اما انتي عشرة 30سنه موهينه تنسيها وتنهدم بسبب غلط مالك دخل فيه …….. وبنفس الوقت انا كنت مقهوره من حماي الكبير تخيلو يابنات قايل لابوي عشان يرضيه لو تبي اختها ازوجك ايها اانا كنت مفتكرته يمزح طلع جاد وابوي بادي يفكر بالموضوع بنات تخيلو صعوبت الموقف علي
انا احبه وبعد موقفه معاي حبيته اكثر بس حماي الكبير واسلوبه مع عمتي وامي
وابوي وفكرة النتقام الي بيهدمنا كلنا بسببها وخالي الي مافكر فينا
بصراحه يابنات صرة اكره كل الرجال صرت اشوفهم خونه غدارين انانيين همهم نفسهم وبس وماتعرفون شكثر خوفي ان يكون زوجي مثلهم ياخذ الحرمه ورده مفتحه من بيت اهلها وبس يشمها ويشبع منها يرميها ويدور غيرها ………………
تكفون انا خايفه ومحتاره ساعدوووووووني براي سديد ودعوه بضهر الغيب