خايفه اكفر وانا مادري

اه يابنات ماني عارفه وش اكتب بس ابغى اكتب كل شي يمكن القى عندكم شي يريحني موضوعي :انا اصلي صلاة الاستخاره بس احس انها مافادتني بشي يعني الموضوع يفشل اويصير العكس واحترت وتعبت منها اصلي واتوكل على الله ونهايه تجي العكس اشرحولي النقطه هذا ابغى افهم وشي هي صلاة الاستخارةالموضوع الثاني :الصدقه انا دايم اتصدق بمبالغ كبيرة بنية الانجاب ومع هذا مايصير حمل لي سنوات على الطريقه هذه اذا شفت احد محتاج اعطيته ادور المحتاجين واعطيهم واحيانا يجون ناس يطلبون مني على انه سلف لكن انا اعطيهم لوجه الله ولا اخذ منهم شي واشتري هدايا وافرح قلوب الناس وقلبي مايفرح ابدانتم ماتدرون شكثر موضوع الحمل ماثر فيني اهملت كل شي في حياتي ومع هذا مالقيت الي يساعدني اويفرح قلبي الموضوع الثالث:عملت اطفال انابيب واستودعت الله اجنتي وكنت دائم اكرر واقول اللهم اني استودعتك اجنتي الي في رحمي ثبتهم واحفضهم انت خير الحافضين يامن لاتضيع ودائعه وصليت استخاره قبل كل شي وتصدقت عن كل جنين ودعيت ربي وللاسف فشلت العمليهطيب انا استودعت الله اشلون مايثبتون ادري كلامي كله غلط ويمكن حرام اقول كذا ويمكن اكفر بس احس اني عجزت افهم النقاط هذه والي مخوفني اكثر وشاغل بالي معقوله انا الله سبحانه وتعالى مايتقبل مني شي لادعاء ولا صدقة ولا صلاه يعني اعمالي ماترفع وربي مو راضي علي هذا الي مخوفني انا دايم اذا فشلت اقول قدر الله وماشاء فعل او انالله وانا اليه راجعون اللهم اجرني في مصيبتي واخلف لي خير منها انا مؤمنه بقضاء الله وقدره بس خايفه ومااعترض على حكم الله بس كلما فشلت في الحمل يجيني هذا الاحساس ان ربي غاضب علي ومايستجيب لي ارجوكم ساعدوني وادعولي كل وحده تدخل تدعيلي