عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كل عام وانتم بخيررررررررررر
ورمضان كريم
انا طرحت مشكلتي هنا لعل وعسى الاقي حل انا اتابع القسم هذا كثير وشفت الكثير يطرحون مشاكلهم هنا ولقيت منكم الي يردون ويخففون على الواحد والله انكم مثل البلسم على الجرح
ابي احد يساعدني يوقف معي يحل مشكلتي ويطلعني من الي انا فيه
وابي افضفض اطلع الي بقلبي عشان ارتاح
بقووووووووووول كل شي بداخل قلبي اذا ماعندي احد اشكيله اكتب هنا همومي ومشاكلي الي بيرد الله يجزاه خير والي مابيرد علي عاااااااااادي هي الدعوه فضفضه
بنات انا اعاااااااااااني من الخجل والتلعثم بالكلام واتلخبط اذا تكلمت حتى مع البنات الي بمثل عمري ماكنت كذا اول بس الحين مدري وشفيني صرت احب انطوي واذا جلست مع البنات ما اسولف لاني ماتكلم زين اشوفهم يتكلمون ويقولون مواقف صارت لهم وانا كل كلامي رؤوس اقلام يعني يادوب اتكلم كثير حاولت اتكلم ماقدرت مع إن كل البنات الي انا اجلس معهم بنات خالي وخالاتي وعماتي وصديقاتي بالكليه وكلامي سريع ومو مفهوم حتى اذا قلت شي وخلصت قالو عيدي مافهمنا شي لييييييييييه طيب ياربي وش الفرق بيني وبينهم
وثاني شي انا فيني غيره اشوفهم حلوات وربي جمااااااااال ماشاء الله تبارك الله بس اطالع فيهم منبهره الا انا اقل وحده جمال فيهم صرت اكرههم من كثر ما اغار منهم اول يوم احنا صغار كنا نحب بعض بس من كبرنا وصارت كل وحده احلى من الثانيه انا كرهتهم ولاعاد احبهم ليه هم حلوات ابي اصير زيهم
حتى اذا رحنا زواج يتكشخون وياكثر الحريم الي يطالعون فيهم ويسألون انتي مخطوبه وهم كلهم الي انخطبت والي اتزوجت وكلهم اصغر مني الا انا ماعمري وحده خطبتني ولا قالت انتي مخطوبه
وهم عايشين بمنطقه وحده الا انا مع اهلي بالرياض ولاعندي اخوات بس اولاد
حتى ان ولد عمتي يبي يخطبني الي هو اخواته حلوااااااااااااااات موووووووووووت ماشاء الله قلت انا في نفسي ترك كل البنات وجاء عندي انا من زيني والله
بس وحده من اخوااااااااااااته جرحتني وقالت انتو مو لايقين على بعض قلت ليه قالت هو يسولف وجرئ وانتي ماتتكلمين ولاتسولفين انا زعلت مرررررررره واثرت فيني هالكلمه وقلت في نفسي والله انها صااااااادقه كيف بتزوج وانا على هالحال
ومابي اتزوجه لاني اغااااااااار من اخواته مرررررررررررررررررررررررره
الخلاصه من هالكلام الكثير ابي اتكلم زين بانطلاق من غير تلعثم ويكون كلامي مفهوم وواضح ويروح هالخجل والارتباك الي فيني ابي شي ينعم صوتي ويصير ناعم انثوي ابي احس بالانوثه انا فيني لمحه حلوه بس يمكن لاني ماهتم بنفسي ويمكن اسناني مخربه شكلي عشان كذا قررت اركب تقويم وازين شكلي ولاراح اخليهم يشوفني الا بعد التغيير المفاجئ
تكفوووووووووووووووون نخيتكم شوفو لي حل
احس اني كثرت كلام وهذرة واجده
بس معليش تحملووووووووووووووووووووووني انا طلعت كل الي بقلبي
وآآآآآآآآآآآسفه على الاطاله
ولاتخلون موضوعي هذا يروح ادراج الرياح ارفعوه رفع الله قدركم
