عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سوالف ليل… جرتني لهرج ما تمنيته
وكنت أحسب خليل الروح مايآخذ بزلاتي
سوالف ليل.. خانتني لذنب تبت وأخفيته
خطا عمري وبيحته وقلت أنعاه بأبياتي
(خطاي إني جرحته يوم بإسم الغير سميته)
وقام يقول لي منهو وليش أنطقه بشفاتي
ألا ياليته أسمعني كلام فيه خطيته
ولا إعطاني الفرصه أبرر بعض غلطاتي
سكت لحظه وقال اكشف ستاركنت غطيته
تكلم قول وش تخفي: قضى هالليل بسكاتي
أكيد إنك تمنيته كثير وحيل حبيته
وأكيد إنك بعد بسته مثل ما بست بشفاتي
واكيد إنك على خبري بخوره دوم شميته
وأكيد إنه على غفله مثل ما آنا بغفلاتي
أنا مابي تجاملني وغدرك حيل عانيته
وعذرك آه من عذرك (قديم قدم جداتي)
تفضل روح يا خاين طريق الحب مليته
كبيره غلطتك (وأكبرمن الأحزان عبراتي)
أبنسى وأتركك ماضي وأقول العشق خليته
وخذ مني نصيحة عمر (لا تغتر بالآتي)
مثل ما خنتني تلقى حبيب يخدعك صيته
يجي له يوم ويخونك وتذكر صدق هقواتي
غرام يشعل أنفاسي برمل الوهم طفيته
لحالي عشت من قبلك.. وبعدك مثلما فاتي
مسا الأحزان يا جرحي وصوت ناح واوحيته
يجرعني مرار الحزن واللوعه وأناتي
مما راق لي
