خطبني و لا ابييه،،،، تكفون يا بنات شورو علي.

وافقت في البدايه و تقدم و خطبني من ابوي و انا مسويه ان ما عندي خبر. يعني اني. 
شفته او هو شافني شرعيه و ما قدرت ارفع عيني في عينه،،، لكن هو جلس يناضر و خفت منه و هجيت من الغرفه،،،،،  قمررر بس عينه قويه،،، ينااااضر

مشكلتي اني خفت منه مع ان شكله حبوب و حنوووووون مع امه و خالته و مع غيرها شرس،، بس حاسه انه عصبي و يخوف و انا خواافه و يكفيني اخوي الكبير في البيت ،،و هو بعد عسكري و السلاح و الكلبشه دائما على خصره انا ما ابيه عسكري  و كمان متعين بعييييد و انا ابي قريب من اهلي و اخته تقول انه يحب يشتري اسلحه و بيتهم كانه مستودع ذخيره. 
ترددت و وافقت عليه و تندمت اني وافقت عليه و تمت الخطبه و فرحت به في البدايه. و لكن ما كنت اتوقع انه يكون زوج لي  و لا فكرت في يوم ان يكون هو الشخص اللي راح اقضي معاه بقيه حياتي و اشوفه مثل اخوي و ما كان له حس بين الاولاد ” طبعاً يوم كنا صغار ” كان هادي  و عاقل باستثناء بعض الخربشات طبعا
 باختصار يا بنات ما احبه و لا ابيييييه
اخبرت اخته كونها صديقه مقربه مني للغايه و قلت لها اني اشوف اخوها مثل اخوي و ما كنت في يوم احلم فيه،،،،، و قلت لها ما ابيه. جلست تبكي و انا ابكي و كان موقف لا يوصف
و مرت على ايام لا اكل و لا انام و كل ما تذكرت السالفه ابكي بحرقه،،،  فالولد ما فيه عيب ودود و يخاف الله و محبوب لكن ما ابيه ما ادري ليش ما ادري ليش ما ادري ليش ما ابييييييه
امي لاحظت حالتي و بلغت ابوي و ابوي طار فيني حنا ما نلعب هذا مو كلام اطفال. وانت وافقت عليه و انا اعطيت الناس كلمه و بتتزوجينه غصب!!!!!!!! ابوي ما في العالم احن منه لكن !!!!!!!!!
يقول اذا ما تبينه ليش توافقين عليه اساسا
اش فيه مو عاجبك
يخاف الله  و موظف “ضابط” و  و خدوم و ….و …..
و الله لو ما كان ابن حلال و ذكره طيب و مثل ولدنا و تربى بيننا و نعرفه من زمان كان انا اللي ارفضه و لا اقبله.
ابوي حاول معي و انا ما غير اصيييح
انا ما ابي اتورط معاه و انا ما في قلبي تجاهه اي حب و لا اي شعور باستثناء انه ابن جيراننا و اخو اعز الصديقات و بس
المهم 
تهورت و قلت لاخته روحي قولي لاخوك اني ما ابيه
و قالت له و لا صدقها في البدايه و طنش و بعد ما عرف ان الحكايه جد ارسل اخته لي و قال لها اتصلي علي من عندها و خليها تكلمني ” يقصدني ” و اذا قالت لي هي بنفسها انها ما تبيني لكل حادث حديث. 
جاتنا اخته و هي تبكي و تسبني و تقول ورطتيني معكم و … المهم 
كلمني و قال لي الخبله اللي جنبك قالت لي كذا و كذا ،، صحيح؟؟!! قلت نعم
و الله يا بنات تغيرت نبرة صوته و قال ابشري و خير ما سويتي انك تكلمتي قبل لا يطيح الفاس في الراس. و قال انا ما اقدر اقول لابوك اني ما ابي بنتكم بدون سبب،،،
قالل لاخته خلينا نصبر شوي و انا بسحب بهم و بممط موعد الزواج لعل و عسي تفك صاحبتك و الا امرنا لله تروح في حالها معززه  
طبعا اخته قالت لي انه رافض و انه بيني و تحاول معي تقنعني و انا قلبي ما يبيه. بينما العقل و امي و ابوي و خواتي حاولون يقنعوني به.