عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم وحرمة الله وبركاته
كيف حال العرايس؟ 💡
اكيد بعضكم يذكرني من ردودي ومشاركاتي في هذا القسم…
انا كان خاطري اكتبلكم واقولكم عن الاحداث اللي صارت بس كانت عندي ظروف خارجة عن ارادتي
طبعا انا كنت مشاركة في قروب ابي حمااااااااااااااس…
وكنت مستانسة وياهم وطبقت معاهم البرنامج بس صارتلي ظروف وقطعت عن التطبيق وعن النت ..
ولما رجعت ماحصلت احد فبصراحة بطلت وصرت وحيدة :Pبس ابى اقولكم اشتقتلكم وردو للقروب ثااااااااني(( ولم ترى)) وحشتيني وينج؟؟؟
المهم تميت اتصفح في القسم حصلت هالموضوع
وطبعت هالدعاء وقمت اردده مرة في اليوم بس تقريبا ماكان بشكل يومي لما اكون فاضية اتم اقراه او بعد صلاة من الصلوات الخمس وكنت اردده في قيام الليل يمكن رددته بحدود المرة لين ثلاث مرات في قيام الليل ماذكر بالظبط..
وكنت دايما ادعي بادعيه واذكار متنوعه في حصن المسلم حافظتنها…
ودايما ادعي اللهم ارزقني بزوج صالح تقي نقي مثل ما اتمنى وافضل مما اتمنى عاجلا غير اجلا في سجودي وبين الصلوات وفترات العمل وفي اي وقت…و رب اني لما انزلت الي من خير فقير .. اللهم استرنا فوق الارض وتحت الارض ويوم العرض.. اللهم اكفنا بحلالك عن حرامك واغننا بفضلك عمن سواك..وادعي لشباب وبنات المسلمين
يعني بشكل عام كل الادعيه اللي تجيب الستر وتبعد الضرر..
وطبعا سورة البقرة والكهف تقريبا كل جمعه واحيانا كنت اصادف اوقات الاستجابة للدعاء..
ورمضان اللي طاف ماقصرت دعيت بكل اللي بخاطري وتحققت بعض الاشياء اللي دعيتها ويالسة تتحقق
واهلي وربعنا يدعولي بالزوج الصالح
وبنات المنتدى فديتهم دعولي
ومدري دعوة منو اللي استجابت 😆 🙂 😳 😉
وطبقت قانون الجذب وكنت منتظمة لغاية الايام الاخيرة لما قربت اخلصه طوفت يوم نسيته ماطبقت فيه واخترب القانون بكبره وكسلت اعيده من اول ويديد
بعدين حاولت اقنع نفسي قلت يابنت مش لازم تتطبقينه بحذافيره كفاية تكونين متفائلة يوميا وواثقة باستجابة الرحمن;)
المهم من اسبوعين تمت خطبتي لواحد بمواصفات انا طول عمري كنت اتمناها ,كنت ادعي بزوج بصفات معينه كنت اذكرها في الدعاء
اول ماخبروني قلت هذا ربي اختاره لي,,,
المهم اهله شافوني وحبوني واااااايد اتخبلو عليه وانا حبيتهم واهلي حبوهم وكل شي كان تمام لغاية البارحه..واهلي سألو على الريال وقالو انه زين والكل يمدحه
المهم اليوم وصلت البيت امي اتصلتلي وقالتلي والله اخوج البارحة سأل واحد قاله هالريال مب زين …مع اني مب مقتنعه بموضوع سؤال الناس عن العريس لان في ناس راح تمدح بزياده وفي ناس راح تذم بزياده انا برايي مافي غير صلاة الاستخارة والتوكل على الله اهما للي راح يوضحون كل شي..
امي قالت لاخوي ماعليك من الناس الاغلبيه مادحينه واللي ما مدح المعرس شخص واحد وقالتله اكبر مثال انت يوم خطبتلك ذموك وطلعو بلاوي الدنيا فيك لان الناس ماتبى الخير لاحد وتحقد على غيرها والحين شوف كيف انت مستقر مع مرتك وكيف تحبها يعني لو مرتك واهلها من النوع اللي يسمع كلام الناس جان رفضوك وبنتهم خسرت واحد راح يحبها لدرجه مب طبيعيه بس هم توكلو على الله والزواجه ثبتت وانتو سعيدين ومستقريين والحمد لله ….
بنات انا بعدني ماصليت استخارة ناوية اصليها ابى دعواتكم..
اخويا البارحة قاللي مبروك (( وهاللي حاز بخاطري)) قلت خلاص رح يتم الموضوع وهذا من ربي وواثقة انه خير
واليوم ياي يقول الريال مب زين ..انزين انا شو يضمنلي انه مب زين مب يمكن هاللي ذمّه ومامدحاه عند اخوي في بينه وبين اللي متقدملي مشكلة او سوء تفاهم عشان جذيه قال عنه كلام مب زين ؟؟!!
بنات ادعولي لاتخلوني بروحي والله كنت مستانسه كان الموضوع يتيسر بسهوله وكنت احس براحة والفرج قريب….تعرفون لما دريت ان خطبوني استانست بس بنفس الوقت خفت ,,,,خفت ان احد يخرب ويفكرش الموضوع من فرحتي فيه وفعلا بدا الموضوع يتعسر
بنات حاولت افيدكم من تجربتي والاسباب اللي ممكن ادت لخطبتي وان ربكم كريم ورحيم وادعولي بالتيسير وادعولي بان ياااارب يطلع هذا الشخص خير لي ويتم موضوعي على خير
