عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا بنات
كيفكم
..
حبيت استشيركم في مشكله لها مده معاي وربي دايم ابكي منها ودايم اقول لامي وترد علي كذا الرجال
المهم اناخطيبي قد كفشته يخوني 3 مرات اول مره شفت اسماء بنات بجواله وتعبت واعتذر وقال هذا ماضي وسامحته
بعدها اكتشفت في سجل مكالماته ارقام ودقيت ولقيتهم بنات وبكيت قدامه وقام يحلف انه يحبني وانها ارقام بسجل تلفونه القديم وهو عنده جوالين اللي دايم ادق مايجيبه معه والثاني اللي ماكلمه عليه يجيبه واعتذر وسامحته
المره الثالثه بالماسنجر لقيت وحده كاتبه بيت شعر له بملف التعريف وقومت الدنيا فوق راسه وسحبت عليه اسبوع بغى ينجن قام يبكي ويترجاني ودخل اخته بالسالفه وسامحته واعترف لي انها وحده متزوجه كان يعرفها وسحب عليها ومن هالكلام لانها مو حلوه
طلبته الرقم السري حق ايميله رفض يعطيني قمت طردته من عندي من البيت ووعدني ان يعطيني اذا راح البيت لانه مو حافظ الكلمه لانها بالانقلش
وانا من طيب قلبي نسيت ومع مرور الايام اشوف الرجال يحول جواله وهاوشته وبطل حركه التحويل
صاير يهملني انا ادق عليه وهو مهملني واذا رد يرد ويسولف حق 3 دقايق ويقفل يتعذر بالمباره او اخوياه عنده
بديت اشك فيه من جديد قمت اليوم طلبته الرقم السري حق الماسنجر قام رفض قلت عطني قال لا
انتي تدورين للمشاكل وانتي وانتي انا بنام
بكييييييييييييييييييييييييت قهر
رحت اشتكي لامي تدرون وش قالت قالت رجال يسوي اللي يبي ولاتنسين انك بنت وهو رجال
انا قلت بسحب عليه للصيف
واعلمه ان الله حق
لان زواجنا بعد سنه ونص ان شاء الله
والله يابنات تعباااانه وابكي طول الوقت منه قاهرني وللمعلوميه ترا خطيبي جميل جدا وهذا سبب مشكلتي عرضه للبنات وش اسوي ساعدوني ودي ارسله رساله وسايط طويله واقول انت من طريق وانا من طريق
وودي ادبه وش تشورون علي وودي ادخل ايميله وشوف من فيه بس ماعرف اخترق ايميله
انتظر ردودكم علي لا تطنشوني ..
ابغى تقولون لي ايش رايكم في تصرفه ؟؟ ايش اسوي معه ؟؟
__________________
