خطيبي يذلني ساعدوني يابنات الله يوفقكم

اخواتي في الله

انا مخطوبه لي سنتين ، وخطيبي قريبي

وحصلت مشكله بين اخوي وخطيبي والغلطان اخوي بس خطيبي اخذ بخاطره وهالمشكله صار لها 4 شهور

المهم لي شهر الحين وخطيبي كل مايكلمني يحب يختلق المشاكل ويدور الزله ويسوي من الحبه قبه ويطلعني انا الغلطانه ويقول لي لو واحد غيري كان تركك من زمان وماصبر على المشاكل قصده مشكلة اخوي وانه اهله يقولون له تبي تفصح الخطوبه عادي انت معذور محد يصبر قد صبرك

وقبل اسبوع تقريبا اختلق مشكله جديده وطلعني انا الغلطانه والله يابنات ماقدرت اصبر طفح الكيل

رحت وقلت له لاتكلمني وتعال خذ شبكتك وخذ هداياك ولا عاد تفكر تدق علي وانا بغير رقمي

وبعدين علمت امي بالسالفه وخاصمتني ليش ماعلمتيني من اول هذي مسألة كرامه وهو يتمنن يحمد ربه اننا حاجزينك له

وراح دق على امي وقال لها السالفه كلها وقالت له انت قلت لها لو احد غيري كان تركك من زمان وماصبر على المشاكل وتختلق المشاكل و….الخ قال لا والله انا ماقلت كذا

وانا امر بضروف الحين قالت له ضروف يعني تحط حرتك فيها قال لا والله انا ماقلت لها كذا وانكر كلامه وطلعني كذابه

وانا يشهد الله اني ماكذبت بأي كلمه قلتها

والحين صرت اكلمه بس احس انه يكلمني من ورا قلبه

يابنات محتاره وش اسوي ياليت تساعدوني لان مالي الا الله ثم انتم

انا احبه وهو يحبني بس مدري ليه يسوي كذا انا خايفه لايحقد علي ويذلني لمن يتزوجني