عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انا حابه احكيلكم شئ واخذ رايكم فيه بما انكم زي اخواتي
الحين اختي راحت الحج هذي السنه مع امي وابوي واخوي وهيا اول سنه لها في الجامعه وكانت جنب وحده
كبيره في السن شوي واختي تحكيني انها كانت دايما تهتم فيها لانها لوحدها و الحرمه ذي جايه مع ولد اختها و كانت دايمما تجلس مع امي واختي وتمدح فيه و في امه كثثثييير
ومره كانو جالسين امي والحرمه و الحرمه ذي لمحت لامي انها تبغى ولد اختها لاختي
و بعد ما خلصو المناسك كلها رجعو للفندق وكانو مع بعض و الحرمه كلمت امي قالت انو اختي كلمتني وقالت تبغاني اخطب للولد و تبغى من نفس عائلتكم و تكون ساكنه في جده وانا ابغى بنتك ومدري اذا هيا لسا صغيره و لا عادي وكذا كلمت امي بطريقه غير مباشره وماما وقتها غيرت الموضوع وما ردت عليها
الولد اخر سنه في الجامعه وكويس واختي من اووول كانت حاسه براحه لذي الحرمه وكأنها حاسه انو ممكن تكون في خطبه او شئ زي كذا ما تدري بس حست باحساس غريب و اختي دايما تكلم الحرمه لانها حبتهها وحتى بعد ما رجعو من الحج لسا تكلمها و الحرمه تحححب اختتي وتكلمها باسلووب مرره حلو كأنها بنتها او اكثر
قبل كم يوم كان اختبار اخوي القدرات والولد رسل لبابا رساله انو الله يوفق محمد في الاختبار >> محمد اخوي
بابا قالي وانا سألت اخوي اذا هوا يكلم الولد وقاله عن اختباره
اخووي استغرب وقال انا ما قلتله الا لما كنا مع بعض في الحج ومستغرب انه لسا متذكر الموضوع
مر على الحج تقريبا شهر واكثر وما جات الحرمه ولا سار شئ
بس حابه اعرف اذا في امل ان الولد يجي لاختي ولا لا لان اختي دايما تسألني في امل ولا لا
لان الولد كويس ما شاء الله عليه وماما بعد من مدح الحرمه اعجبت في الولد
ممكن تعطوني رأيكم في الموضوع و ادري اختي وامي مستعجلات والولد لسا ما اتخرج بس ابغى اعرف اذا ممكن يجي ولا اخلي اختي تشيل السالفه من بالها 
