عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
صباحكم ومساءكم خير
بنات تكفون ابي مساعدتكم 💡
بسافر لماليزيا 28 مايو يعني 25 / 6 هجري
واحس راسي مليان شغلات كثير ومحتاسه ومتوتره 
افكر في السفره والطياره << اول مره تركب طياره 
وافكر في عيالي عندي ولد وبنت ومااقدر اخذهم معي لأن تعرفون تعب وحاله 😛
وبخليهم عند اهلي والله يعين والله احس اني ماراح ارتاح ابد
<<<< جابت قصة حياتها 💡
المهم بعد هالمقدمه كلها ابي ابين لكم اني ماادري وش اسوي ووش اجهز لسفرتي
حتى ماخذه هم الفنادق اللي بنقعد فيها ❗
واحب اسألكم شوية اسئله
أول شي ابي محل بالرياض ممتاز للأحذية الطبيه (اكرمكم الله ) السبورت وابيها انيقه وخفيفه
ابي محل مضمون ومجرررب ..؟
وبخصوص اللبس بعد البحث في النت عرفت ان جوهم حار ويبي له ملابس خفيفه وقطنيه
وان مااكثر ملابس ابد ابد <<< ناويه على الشوبنق 
طيب وش رايكم المعقم والمناديل المعقمه واللي مثلها اخذها من هنا ولا من هناك ؟؟
وابي اسألكم وش احلى منتجع او فندق في لنكاوي بنجلس فيها 4 ايام وانا مرررره نفسي في الغرفه اللي تجي على الشاطئ على طول
يعني مثل الهوليدي ان في الشرقيه فهمتو علي ؟
تعرفون فساتين البحر ؟؟ اشتريها من هنا ولا هناك << علشان اذا رحنا لـ لنكاوي ؟؟
وابي فنادق في كوالا 5 نجوم اهم شي النظافه والتعامل ويكون فيها افطار لذيذ 
ويهتمون بالمعاريس
وش افضل مدينه ترفيهيه ؟؟؟ غير المائيه ؟
وابيكم تقولون لي اماكن لازم لازم ازورهااااا تكفووون والله احس محتاره وكأني مفهيه
وللعلم يابنات انا اخر هالثلاث شهور نفسيتي عدددددددم (بعد وفاة الوالده الله يرحمها ويصبرنا على فراقها)
وابي زوجي يشوفني وحده ثانيه مثل قبل .. وش اسوي قولو لي اخاف اذا رحت هناك انكد عليه
ابي تكون هذي السفره احلى شي بحياتي وحياته ..
وسلامتكم
والله يوفق ويسعد اللي ترد علي او اللي ترفع المووضوع لأن سفرتي قربت مره وابي ارتاح
ودعواتكم لي تكفون
